اقپان ايىندا ەلىمىزدەگى تۇرعىن ءۇي باعاسى ءوستى

نۇر-سۇلتان. قازاقپارات - قازاقستاندا تۇرعىن ءۇي باعاسى اقپان ايىندا ءوستى.

بۇل تۋرالى ۇلتتىق ستاتيستيكا بيۋروسى مالىمدەدى، دەپ حابارلايدى قازاقپارات.

«2021 -جىلدىڭ قاڭتارىمەن سالىستىرعاندا اقپان ايىندا اباتتاندىرىلعان تۇرعىن ۇيلەردى الىپ ساتۋ باعالارى %3,1 عا، جاڭا تۇرعىن ۇيلەردى ساتۋ باعالارى %1,2 عا ءوستى. اباتتاندىرىلعان تۇرعىن ءۇيدى جالعا الۋ تولەمى %1,6 عا جوعارىلادى»، - دەلىنگەن حابارلامادا.

تۇرعىن ءۇي نارىعىنداعى باعانىڭ وزگەرۋىنە توقتالساق، 2021 -جىلدىڭ اقپانىندا جاڭا تۇرعىن ۇيلەردى ساتۋ باعالارى وتكەن جىلدىڭ وسى ايىنا قاراعاندا %8 عا وسكەن. اباتتاندىرىلعان تۇرعىن ۇيلەردى ساتىپ الۋ باعالارى %20,3 عا كوتەرىلسە، اباتتاندىرىلعان تۇرعىن ءۇيدى جالعا الۋ

تولەمى %10,7 عا ارتقان. بيۋرو اقپاراتىنشا، 2020 -جىلدىڭ جەلتوقسانىمەن سالىستىرعاندا جاڭا تۇرعىن ۇيلەردى ساتۋ باعاسى 2021 -جىلدىڭ اقپانىندا %4,2 عا وسكەن. اباتتاندىرىلعان تۇرعىن ۇيلەردى الىپ ساتۋ باعاسى 2020 -جىلى %13,2 عا وسسە، بيىلعى جىلدىڭ اقپانىندا %8,2 عا كوتەرىلگەن. ال اباتتاندىرىلعان تۇرعىن ءۇيدى جالعا الۋ تولەمى وتكەن جىلمەن

سالىستىرعاندا %4,4 عا وسكەن.