ۆاكسينالاۋ ورتالىعىنا دەيىن جول اقىسى تەگىن بولادى

بريۋسسەل. قازاقپارات - بەلگيانىڭ كولىك كومپانياسى ەل تۇرعىندارىنا ۆاكسينالاۋ ورتالىقتارىنا دەيىنگى جول اقىسىن تەگىن ەتپەك، دەپ حابارلايدى «قازاقپارات» ح ا ا مەنشىكتى ءتىلشىسى.

بەلگيادا 10 ۆاكسينالاۋ ورتالىعىنىڭ جۇمىسى ۇيىمداستىرىلعان. وندا ەل تۇرعىندارى COVID-19-عا قارسى ۆاكتسينانى تەگىن الا الادى.

بيىلعى جىلدىڭ ناۋرىز ايىنان باستاپ، STIB وپەراتورى كوروناۆيرۋسقا قارسى ۆاكسينا العىسى كەلەتىندەردى تەگىن تاسىمالدايدى. ۆاكسينالاۋ ورتالىعىنا باراتىن ازاماتتار كولىكتەگى تەكسەرۋشىلەرگە ۆاكسينالاۋ ورتالىعىنا بارۋ مەن كەرى قايتۋ ءۇشىن بەرىلەتىن رەسمي شاقىرتۋدى كورسەتۋى كەرەك.

قازىرگى تاڭدا بەلگيادا ۆاكتسينا سالدىرۋعا شاقىرتۋدى 65 جاستان اسقان ازاماتتار الىپ جاتىر. بۇعان دەيىن پرەپاراتتى قارتتار ۇيلەرى مەن مەديتسينا ماماندارى العان بولاتىن.

پوشتا مەكەن-جايىنا سكانكودى بار جەكە كونۆەرت كەلەدى. ول ۆاكسينالاۋ ورتالعىندا كورسەتۋ ءۇشىن كەرەك.

بەلگيا ۇكىمەتى بيىلعى جىلدىڭ كۇزىندە تۇرعىنداردىڭ 70 پايىزىنا ۆاكسينا سالۋدى جوسپارلاپ وتىر.