استانادا الداعى كۇندەرى قانداي مادەني شارالار وتەدى؟

اتاپ ايتقاندا، «م. گوركي اتىنداعى مەملەكەتتىك اكادەميالىق ورىس دراما تەاترى» ساحناسىندا 6-7- ناۋرىز كۇندەرى ساعات 18:00 دە ۆ. شۋكشيننىڭ اڭگىمەلەرى بويىنشا «سۆەتلىە دۋمى» قويىلىمىنىڭ پرەمەراسى وتەدى. «ناز» مەملەكەتتىك ءبي تەاترى 5- ناۋرىز كۇنى ساعات 18:00 دە حالىقارالىق ايەلدەر مەرەكەسىنە وراي «سىيىنار ەم انا دەگەن تاڭىرگە!» تاقىرىبىندا كونسەرت وتكىزەدى.

«ساكەن سەيفۋللين مۇراجايى» 5- ناۋرىز كۇنى ءاليحان بوكەيحانوۆتىڭ تۋعانىنا 155 جىل تولۋىنا وراي «ۇلت كوسەمى - ءاليحان بوكەيحانوۆ» اتتى ونلاين-ءدارىس ۇيىمداستىرادى. ءدارىستى Instagram جەلىسىندەگى Seifullin_museum جانە bizbirgemiz پاراقشالارىنان كورۋگە بولادى.

مەملەكەتتىك اكادەميالىق فيلارمونيا 6- ناۋرىز كۇنى «جۇلدىز بولعىڭ كەلسە» اتتى كونسەرتىنە شاقىرسا، 7- ناۋرىزدا «جان انام» اتتى كونسەرتىن قويادى. ءوز كەزەگىندە «قۋىرشاق تەاترى» 5 ناۋرىز كۇنى ساعات 14:00 دە، 16:00 دە ت. حاسانعاليەۆانىڭ «انا قۇدىرەتى» ەرتەگىسىن جۇرتشىلىق نازارىنا ۇسىنسا، 6- ناۋرىز كۇنى 12:00، 14:00، 16:00 ۋاقىتىندا ر. كيپلينگتىڭ «ماۋگلي» شىعارماسىن ورىندايدى.

«بەيبىتشىلىك جانە كەلىسىم سارايى» ءبىرقاتار ءىس-شارالار كەشەنىن وتكىزەدى. ناقتىراق توقتالساق، 6- ناۋرىزعا دەيىن كۇندەلىكتى 09:30-18:00 ارالىعىندا «تۋعان جەر» اتتى بالالار مەن جاس وسپىرىمدەر ستۋدياسىنىڭ حورەوگرافيا، حور، اكتەرلىك شەبەرلىك ساباقتارى ۇيىمداستىرىلادى.

سونداي-اق 7- ناۋرىزعا دەيىن 10:00-18:00 ارالىعىندا كۇندەلىكتى ەلوردا تۇرعىندارى مەن قوناقتارى ءۇشىن ەكسكۋرسيالار بولادى. سول سياقتى ءدال وسى ارالىقتا «جاڭا كوزقاراس» اتتى قازاقستاندىق بەينەلەۋ ونەرىنىڭ كورمەسى ۇيىمداستىرىلادى.

6- ناۋرىز كۇنى Almaty Symphony Orchestra ۇجىمىنىڭ مۋزىكالىق ديرەكتورى ەرجان قۇلىبايەۆتىڭ قاتىسۋىمەن «ۆيرتۋوزدار» كونسەرتى بولادى.

«تاۋەلسىزدىك سارايى» دا ءبىرقاتار كورمە وتكىزەدى:

2-7- ناۋرىز كۇندەرى 10:00-18:00 ارالىعىندا «ەلوردا بەينەسى» كوركەمونەر، «نۇر-سۇلتان قالاسىنا سىيلىقتار»، «Uly Dala Juregy « كورمەلەرى، سونداي-اق ەكسكۋرسيالار جوسپارلانعان.

«بايتەرەك» عيماراتىندا دا قالا جۇرتشىلىعىن ەكسكۋرسيالار كۇتىپ تۇر.

«ورتالىقتاندىرىلعان كىتاپحانالار جۇيەسى» عيماراتىندا 5 - ناۋرىز كۇنى ساعات 12:00 دە «و، ايەل، سەنەن باسقا سۇلۋ جوق!..»، «ايەل بەينەسى، ادەمى بەينە»، ال 7 - ناۋرىزدا «ايەل-انا، ايەل-ءومىر، ايەل-جىر!» اتتى ءىس-شارا ۇيىمداستىرىلادى.

«الجير» مەموريالدى- مۇراجاي كەشەنى» 5 - ناۋرىز كۇنى «الاش قوزعالىسىنىڭ كوسەمى ءاليحان بوكەيحانوۆ» اتتى ونلاين كورمە وتكىزەدى.

كورمەنى مىنا پاراقشالاردان كورۋگە بولادى. Facebook: مۋزەي الجير؛ Instagram: museumalzhir؛ Youtube: Museum ALZHIR Astana. «Nomad City Hall» ساحناسىندا 6-7 - ناۋرىز كۇندەرى ساعات 17:00 دە ءازىربايجان مامبەتوۆ اتىنداعى مەملەكەتتىك دراما جانە كومەديا تەاترىنىڭ مەرەكەلىك سىي تارتۋى جانە «قوش، ماحاببات» سپەكتاكلى بولادى.

«جاستار تەاترى» 6-7 - ناۋرىز كۇندەرى س. دۇيسەنبيەۆتىڭ «ماحاببات مينياتيۋرالارى» اتتى تەاترلاندىرىلعان كونسەرتىن ۇسىنادى.

ايتا كەتەيىك، اتالعان ءىس-شارالاردىڭ بارلىعى سانيتارلىق-ەپيدەميولوگيالىق تالاپتاردى ساقتاي وتىرىپ وتكىزىلەدى.