12:45, 03 - ناۋرىز 2021 | GMT +5
قاراعاندىلىق وقۋشى عارىش قوقىسىن جيناۋ جۇيەسىن ۇسىندى
قاراعاندى. قازاقپارات - قاراعاندىنىڭ نازاربايەۆ زياتكەرلىك مەكتەبىندە فيزيكا ايلىعى وتۋدە.
عىلىمي جوبالار بايقاۋىندا 10-سىنىپ وقۋشىسى گەورگي شاتوۆ كوزگە ءتۇستى، دەپ حابارلايدى قازاقپارات ءتىلشىسى.
وقۋشى جەر وربيتاسىنان ۇساق عارىش قوقىستارىن جويۋدىڭ جاڭا ءادىسىن ۇسىندى.
«تاقىرىپتىڭ وزەكتىلىگى - عارىش قوقىستارىن جيناۋ ءۇشىن روبوتتى جۇيەلەردى قۇرۋ قاجەتتىلىگى. بولاشاقتا ول عارىش اپپاراتتارىن ۇشىرۋ كەزىندە كەدەرگىلەر تۋدىرۋى مۇمكىن»، - دەپ سانايدى جوبا اۆتورى. ايلىق اياسىندا نازاربايەۆ زياتكەرلىك مەكتەبىندە «نە؟ قايدا؟ قاشان؟» زياتكەلىك ويىنى ءوتتى. سەگىزىنشى سىنىپ وقۋشىلارى فيزيكانىڭ ۇزدىك بىلگىرلەرى اتاعى ءۇشىن جارىستى. جەتىنشى سىنىپ وقۋشىلارى فيزيكا ءپانى بويىنشا ۇزدىك Lapbook (قولدان جاسالعان كىتاپ) بايقاۋىنا قاتىستى.
اۆتور: اگاتا مۋحامەدجانوۆا
