ەلوردادا كوروناۆيرۋسپەن كوبىنەسە قاي جاستاعى ادامدار اۋىرعانى بەلگىلى بولدى

«بۇرىنعىداي كوبىنەسە 30-39 جاستاعى ادامدار باسىم اۋىرادى، ولار %24,8 قۇرايدى. 50 جاستان اسقان ادامدار - %23,5 بولسا، بالالاردىڭ جالپى سىرقاتتانۋشىلىقتاعى ۇلەسى - %14,9 قۇرايدى. جۇمىس ىستەيتىندەر اۋرۋ جۇقتىرۋعا اناعۇرلىم بەيىم بولادى، ولار جالپى سىرقاتتانۋشىلىقتىڭ %48 الادى. بۇل ۇجىمداردا ەپيدەمياعا قارسى ءىس-شارالاردىڭ ساقتالمايتىنىن كۋالاندىرادى»، - دەدى س. بەيسەنوۆا ەلوردا اكىمدىگىندە وتكەن ونلاين بريفينگتە.

قازىرگى ۋاقىتتا تىركەلگەن 857 ءۇي وشاعى بار، وندا ناۋقاستارمەن قارىم قاتىناستا بولعان 2161 ادام مەديتسينالىق باقىلاۋدا.

ايتا كەتەيىك، ەلوردادا COVID-19 اۋرۋى قاڭتار ايىمەن سالىستىرعاندا %33,8 عا تومەندەدى. تاۋلىگىنە شامامەن 68 ينفەكسيا جاعدايى تىركەلەدى، ونىڭ ىشىندە 37 جاعداي سيمپتومدى، 31 ى سيمپتومسىز تۇردە.

اۆتور: ايجان سەرىكجان قىزى