نۇر-سۇلتاندا كوروناۆيرۋس جاعدايلارى ايتارلىقتاي تومەندەدى
بۇل تۋرالى نۇر-سۇلتان قالاسىنىڭ باس مەملەكەتتىك سانيتارلىق دارىگەرى سارحات بەيسەنوۆا ايتىپ بەردى، دەپ حابارلايدى قازاقپارات ءتىلشىسى.
«قابىلدانعان شەكتەۋ جانە ەپيدەمياعا قارسى شارالارىنىڭ ارقاسىندا قالادا COVID-19 اۋرۋى قاڭتار ايىمەن سالىستىرعاندا %33,8 عا تومەندەگەنى بايقالادى. بۇگىنگى كۇنى قالاداعى اپتالىق قارقىندى كورسەتكىش 100 مىڭ تۇرعىنعا شاققاندا - 53,96 تى كورسەتەدى. نۇر-سۇلتان قالاسى «سارى ايماقتا» تۇر، رەپرودۋكتيۆتى سانى - 0,997»، - دەدى س. بەيسەنوۆا ەلوردا اكىمدىگىندە وتكەن ونلاين بريفينگىدە.
قالادا بارلىق جاستاعى جانە كونتينگەنتتەر اراسىندا COVID-19 جاعدايلارىن تىركەۋ جالعاسۋدا. جىل باسىنان بەرى 6707 زەرتحانالىق راستالعان COVID-19 جاعدايى تىركەلگەن جانە 85 كلينيكالىق- ەپيدەميولوگيالىق راستالعان COVID-19 جاعدايلارى پ ت ر- تەستىنىڭ تەرىس ناتيجەسىمەن تىركەلكەن. تاۋلىگىنە 68 ينفەكسيا جاعدايى تىركەلدى، ونىڭ ىشىندە 37 جاعداي سيمپتومدى، 31 ى سيمپتومسىز تۇردە بولعان. ال 73 وشاق انىقتالسا، ونىڭ 54 ى ۇيلەردە، 19 ى ۇيىمداستىرىلعان توپتاردا ورنالاسقان.
«سونىمەن بىرگە سيمپتومى بار ناۋقاستاردىڭ ۇلەس سالماعى قاڭتار ايىندا %65,2 بولسا، اقپان ايىنا %68,09 عا دەيىن وسكەن. اتاپ ايتقاندا، 50 جاستان اسقان ادامدار اراسىندا سيمپتومدارمەن سىرقاتتانۋ %3,5 عا ءوستى»، - دەيدى سپيكەر.
اۆتور: ايجان سەرىكجان قىزى
