11:30, 01 - ناۋرىز 2021 | GMT +6
كوروناۆيرۋس: نۇر-سۇلتان «سارى ايماققا» اۋىستى
نۇر-سۇلتان. قازاقپارات - ق ر ۇكىمەتى جانىنداعى قازاقستاندا كوروناۆيرۋستىڭ تارالۋىنا جول بەرمەۋ جونىندەگى ۆەدومستۆوارالىق كوميسسيا 2021-جىلدىڭ 1- ناۋرىزى كۇنگى قازاقستان ايماقتارىنداعى ەپيدەميالىق جاعدايدى باعالاۋ ماتريتسياسىن جاريالادى.
بۇل تۋرالى قازاقپارات ق ر ۇكىمەتى جانىنداعى قازاقستاندا كوروناۆيرۋستىڭ تارالۋىنا جول بەرمەۋ جونىندەگى ۆەدومستۆوارالىق كوميسسيانىڭ Telegram كانالىنا سىلتەمە جاساپ حابارلايدى.
«سارى ايماقتا» - نۇر-سۇلتان قالاسى، اقمولا، باتىس قازاقستان، قوستاناي، پاۆلودار وبلىستارى تۇر.
وزگە وڭىرلەردىڭ بارلىعى «جاسىل ايماقتا».