20:30, 25 - اقپان 2021 | GMT +5
بەتپەردەنى دۇرىس كيمەگەندەرگە ايىپپۇل سالىنادى
نۇر-سۇلتان. قازاقپارات - تالاپتار ساقتالمايتىن بولسا، ياعني بەتپەردە مۇرىننان تومەن نەمەسە يەكتە عانا تۇرسا ايىپپۇل سالىناتىن بولادى.
شىعىس قازاقستان وبلىسى كاسىپكەرلەر پالاتاسىنىڭ باسپا ءسوز قىزمەتى بەتپەردە تاعۋ رەجيمىن ساقتاۋ تالابى كۇشەيتىلگەنى تۋرالى حابارلادى، - دەپ جازادى التاينيۋس.
«سانيتارلىق دارىگەردىڭ قاۋلىسىنا سايكەس بەتپەردە تاعۋ تالاپتارى كۇشەيتىلدى. بەتپەردە مۇرىندى، اۋىزدى، يەكتى تولىعىمەن جاۋىپ تۇرۋى كەرەك جانە سويلەسكەن كەزدە قوزعالماۋى كەرەك. سونداي-اق ونى شەشىپ قويۋعا نەمەسە يەكتەن تومەن ءتۇسىرىپ قويۋعا بولمايدى»، - دەپ حابارلادى شقو سانيتارلىق- ەپيدەميولوگيالىق باقىلاۋ دەپارتامەنتى.
كاسىپكەرلەر پالاتاسى باسپا ءسوز قىزمەتىنىڭ حابارلاۋىنشا، جوعارىدا اتالعان تالاپتار ساقتالمايتىن بولسا، ياعني بەتپەردە مۇرىننان تومەن نەمەسە يەكتە عانا تۇرسا ايىپپۇل سالىناتىن بولادى.
