تۇركىستان وبلىسىنىڭ جەتكىنشەك اۋىلىندا جەراستى سۋى كوتەرىلىپ، قاۋىپتى جاعداي تۋىندادى

سوزاق. قازاقپارات - تۇركىستان وبلىسىنا قاراستى سوزاق اۋدانىنىڭ جەتكىنشەك ەلدى مەكەنىندە جەراستى سۋلارى كوتەرىلىپ، قاۋىپتى جاعداي تۋىندادى.

بۇل تۋرالى ءوڭىردىڭ توتەنشە جاعدايلار مينيسترلىگى ءمالىم ەتتى، دەپ حابارلايدى قازاقپارات ءتىلشىسى.

وبلىستىق ت ج د باسپا ءسوز قىزمەتىنىڭ اقپاراتىنا سايكەس، شولاققورعان اۋىلى ماڭىنداعى ەلدى مەكەندە مول جاۋعا قار مەن جاڭبىر سالدارىنان جەراستى سۋى كوتەرىلگەن. دەگەنمەن ازىرگە ۇيلەردى سۋ باسپاعان.

جاعداي تولىق باقىلاۋعا الىنىپ، وبلىس اكىمىنىڭ ورىنباسارى ساكەن قالقامانوۆتىڭ باسشىلىعىمەن شۇعىل جينالىس ءوتتى.

ت ج د باستىعى نۇرعالي ءجۇنىسوۆ پەن اۋدان اكىمدىگىنىڭ ماماندارى جەتكىنشەك ەلدى مەكەنىندە شتاب قۇردى. قازىر مۇندا ەكى تاۋلىكتەن بەرى 6 موتوپومپا سۋ سورۋ جۇمىستارىن جۇرگىزۋدە.

اۋىلدى سۋ باسۋدان امان الىپ قالۋ ءۇشىن ەكسكاۆاتورمەن ۇزىندىعى 150 مەتر جەرگە كولدەنەڭ قاشىرتقى دا قازىلعان.

«جەردىڭ ىلعالدىعى مەن اقجاۋىنعا بايلانىستى جەردى قازۋ جۇمىستارى جۇرگىزىلۋدە. سۋدىڭ قاي جاقتان كەلىپ جاتقانىن انىقتاۋ ءۇشىن ەكى زەرتتەۋ ورتالىعى جۇمىس ىستەپ جاتىر. ال، جەراستى سۋلارىنان زاقىم كەلگەن ۇيلەردە ساراپتاما جۇرگىزۋ ءۇشىن قۇرىلىس كومپانيالارى تارتىلدى. جەتكىنشەك اۋىلىندا 92 ءۇي بار. اۋىلداعى بارلىق ءۇيدىڭ اۋلاسىنا سۋ كىرمەگەن. بۇل باسپانالاردى ارنايى ماماندار باعالاپ تەكسەرەدى»، - دەلىنگەن حابارلامادا.