13:16, 24 - اقپان 2021 | GMT +5
ەدەن جۋۋشى ميلليونعا جۋىق تەڭگە ۇرلاپ كەتتى
نۇر-سۇلتان. قازاقپارات - ەلوردانىڭ كريمينالدىق پوليتسيا قىزمەتكەرلەرى جەدەل ىزدەستىرۋ ءىس- شاراسى بارىسىندا ۇرلىق جاساۋ كۇدىگىنە ىلىككەن 35 جاستاعى قالا تۇرعىنىن ۇستادى، دەپ حابارلايدى قازاقپارات ءتىلشىسى.
قالالىق پوليتسيا دەپارتامەنتىنىڭ مالىمەتىنشە، تەرگەۋ بارىسىندا كۇدىكتى ايەلدىڭ ت و و كەڭسەلەرىنىڭ بىرىندە ەدەن جۋۋشى بولىپ جۇمىس ىستەيتىندىگى انىقتالدى. ول كەزەكشىلىگى بارىسىندا ۇستەلدىڭ استىندا تۇرعان اقشا قاراجاتىن بايقاعان. بوگدە ادامداردىڭ جوق ەكەندىگىن بايقاعان ايەل 950 مىڭ تەڭگەنى ۇرلاپ كەتكەن.
«اتالعان فاكتى بويىنشا قىلمىستىق ءىس قوزعالدى. كۇدىكتى كىناسىن مويىنداپ، تۇسىنىكتەمە بەردى. ونىڭ ەلوردا اۋماعىندا جاسالعان وسىعان ۇقساس قىلمىستارعا قاتىسى تەكسەرىلىپ جاتىر. نۇر-سۇلتان قالالىق پوليتسيا دەپارتامەنتى بارىنشا قىراعى بولۋعا، بەيتانىس ادامدارعا سەنبەۋگە كەڭەس بەرەدى»، - دەدى دەپارتامەنتتەن.
اۆتور: مارلان جيەمباي
