جۇزدەن استام قازاقستاندىق قارجى پيراميداسىنا الدانىپ قالدى: اگەنتتىك ۇندەۋ جاسادى
بۇل تۋرالى قازاقپارات قارجىلىق مونيتورينگ اگەنتتىگىنە سىلتەمە جاساپ حابارلايدى.
ق ر قارجىلىق مونيتورينگ اگەنتتىگى پاۆلودار وبلىسىندا ءبىر جىلدان كەم ۋاقىت بۇرىن قۇرىلعان قارجىلىق پيراميدا بەلگىلەرى بار «ليدەر كاپيتال 168» م ق ۇ ج ش س-نىڭ قىزمەتىنىڭ جولىن كەستى. از ۋاقىت ىشىندە ۇيىمداستىرۋشىلار 100 دەن استام سەنىپ قالعان ازاماتتى سالىم سوماسىنىڭ %10 ى كولەمىندە اي سايىنعى كىرىس الۋ شارتىمەن قىزمەتىنە تارتىپ ۇلگىرگەن. قازىرگى ۋاقىتتا الاياقتىق سحەماعا تارتىلعان باسقا ازاماتتار انىقتالۋدا.
قارجى پيراميداسىن قۇرۋ دەرەگى بويىنشا سوتقا دەيىنگى تەرگەۋ ءىسى قوزعالدى.
«قۇرمەتتى ازاماتتار! ق ر ۇلتتىق بانكىنىڭ تۇسىنىك بەرۋىنە سايكەس، قازاقستان اۋماعىندا تۇرعىنداردان اقشا تارتۋمەن ۋاكىلەتتى ورگان بەرگەن ليتسەنزيا نەگىزىندە ەكىنشى دەڭگەيلى بانكتەر مەن ۇلتتىق پوشتا وپەراتورلارى عانا اينالىسا الادى. ق ر قارجىلىق مونيتورينگ اگەنتتىگى كۇماندى كومپانيالارعا قاراجاتتى سالۋدان باس تارتۋعا شاقىرادى»، - دەلىنگەن اگەنتتىك حابارلاماسىندا.
