اقتوبەلىك شەنەۋنىك گىر كوتەرۋدەن ەل چەمپيونى اتاندى

اقتوبە. قازاقپارات - اقتوبە قالاسىندا گىر سپورتىنان ەرەسەكتەر اراسىندا ەل بىرىنشىلىگى اياقتالدى.

وبلىستىق دەنە شىنىقتىرۋ جانە سپورت باسقارماسىنىڭ باسشىسى ەۆگەني گونچاروۆ التىن مەدال الدى، دەپ حابارلايدى قازاقپارات ءتىلشىسى.

اقتوبەدە گىر جانە قول كۇرەسىنەن ق ر چەمپيوناتى ءوتتى. جاستار جانە ەرەسەكتەر اراسىندا وتكەن دوداعا ەلىمىزدىڭ بارلىق ايماعىنان بىلەكتى سپورتشى قاتىستى. ولاردىڭ اراسىندا الەمنىڭ بىرنەشە دۇركىن چەمپيونى، حالىقارالىق، رەسپۋبليكالىق دودالاردىڭ جەڭىمپازدارى بار. جارىسقا قاتىسۋشىلاردىڭ بارلىعىنان پ ت ر انىقتاماسى سۇرالدى.

«ەرلەر جانە ايەلدەر 11 سالماق دارەجەسى بويىنشا جارىستى. جاستار اراسىندا ەرلەر 7، ال قىزدار 4 سالماقتا ءوزارا مىقتىنى انىقتادى. ارمرەستلينگتەن ەرلەر 10 سالماق، ايەلدەر 9 سالماق بويىنشا كۇش سىناستى. جارىس ق ر تاۋەلسىزدىگىنىڭ 30 جىلدىعى مەن قاجىمۇقان مۇڭايتپاس ۇلىنىڭ 150 جىلدىعىنا ورايلاستىرىلعان. اقتوبە وبلىسىنىڭ قورجىنى 2 التىن، ءبىر قولا بار. ەرلەر اراسىندا ەۆگەنيي گونچاروۆ 1- ورىندى، ايتقالي بالتابايەۆ 2- ورىندى يەلەندى. ايەلدەر اراسىندا 1- ورىندى الماگۇل شامگونوۆا الدى»، - دەدى وبلىستىق دەنە شىنىقتىرۋ جانە سپورت باسقارماسى باسپا ءسوز قىزمەتىنىڭ جەتەكشىسى ەرلان مۇقان.