جەر رەفورماسى جونىندەگى زاڭ جوباسى ماۋسىمدا ءماجىلىس قاراۋىنا ەنگىزىلەدى
«وزدەرىڭىز بىلەتىندەي، اعىمداعى جىلعى 31 - جەلتوقساندا جەر كودەكسىنىڭ كەيبىر نورمالارىنا ەنگىزىلگەن موراتوريدىڭ مەرزىمى اياقتالادى. بۇل رەتتە، موراتوري ەنگىزىلگەن نورمالاردىڭ ودان ءارى قولدانىسىن ايقىنداۋ ماقساتىندا ءتيىستى تالداۋ جۇمىستارى جۇرگىزىلدى. ناتيجەسى بويىنشا وسى ماسەلەلەردى رەتتەۋگە باعىتتالعان ءتيىستى زاڭ جوباسىن جوسپارلى تۇردە ازىرلەۋ قازاقستان رەسپۋبليكاسى ۇكىمەتىنىڭ زاڭ جوبالاۋ جۇمىستارىنىڭ 2021 -جىلعا ارنالعان جوسپارىنا ەنگىزىلدى»، - دەدى اسقار مامين.
ونىڭ اتاپ وتۋىنشە، قازىرگى ۋاقىتتا اتالعان زاڭ جوباسىنا ەنگىزىلەتىن نورمالاردى قالىپتاستىرۋ ماقساتىندا جانە مەملەكەت باسشىسىنىڭ تاپسىرماسىنا سايكەس جەر رەفورماسى جونىندە كوميسسيانى قۇرۋ، سونداي- اق، ازىرلەنەتىن زاڭ جوباسىنىڭ نورمالارىن قوعاممەن تالقىلاۋ شارالارىن جوسپارلاۋ جۇمىستارى جۇرگىزىلىپ جاتىر.
«اتالعان زاڭ جوباسى اياسىندا سىزدەردىڭ شەتەلدىك كومپانيالار مەن ازاماتتارىنا جەردى ساتۋعا، سونداي- اق، قازاقستانمەن شەكارالاس شەت مەملەكەتتەر مەن ولاردىڭ ازاماتتارىنا جەردى جالعا بەرۋگە تىيىم سالۋ تۋرالى ۇسىنىستارىڭىز جان- جاقتى قارالاتىن بولادى. كورسەتىلگەن جوسپار بويىنشا زاڭ جوباسىن پارلامەنت ماجىلىسىنە ەنگىزۋ وسى جىلعى ماۋسىم ايىندا جوسپارلانعانىن حابارلايمىز»، - دەدى ۇكىمەت باسشىسى.
اۆتور: مارلان جيەمباي
