كوروناۆيرۋس: يزرايلدە «جاسىل پاسپورت» بەرىلە باستادى

نۇر- سۇلتان. قازاقپارات - يزرايلدە كوروناۆيرۋسقا قارسى ۆاكسينا العان نەمەسە وسى ىندەتتەن جازىلىپ شىققان ازاماتتارعا «جاسىل پاسپورت» بەرىلىپ جاتىر.

يزرايلدە «جاسىل پاسپورت» دەپ اتالاتىن قۇجات اينالىمعا ەنگىزىلدى. ونى كوروناۆيرۋسقا قارسى ەكپە العان نەمەسە ىندەتتەن جازىلىپ شىققان ازاماتتار الا الادى. اتالعان كۋالىك يەلەرىنە فيتنەس- ستۋديالارعا، سپورتتىق ءىس- شارالارعا قاتىسۋعا، قوناق ۇيلەرگە توقتاپ، تەاتر مەن كينوعا بارۋعا رۇقسات ەتىلەدى.

يزرايلدىڭ دەنساۋلىق ساقتاۋ ءمينيسترى يۋلي ەدەلشتاين بۇل ارتىقشىلىقتاردى ەلدىڭ 3,2 ميلليوننان استام ازاماتى بىردەن پايدالانا الاتىنىن مالىمدەدى. ال دۇنيەجۇزىلىك مەديتسينا قاۋىمداستىعىنىڭ (WMA) ءتوراعاسى فرانك ۋلريح مونتگومەري، گەرمانياداعى شەكتەۋ شارالارىن جەڭىلدەتپەۋدى ەسكەرتتى.

«كوروناۆيرۋس رەپرودۋكسياسى يندەكسىنىڭ (R) جوعارلاۋى كەزىندە شەكتەۋ شارالارىن جەڭىلدەتۋ تۋرالى ايتىپ جاتقانداردىڭ ارەكەتى - جاۋاپسىزدىق»، - دەپ مالىمدەدى مونتگومەري.