قازاقپارات جاڭا موبيلدىك قوسىمشاسىن ىسكە قوستى
موبيلدىك قوسىمشانى ءدال قازىر (Android, iOS نۇسقالارى ءۇشىن) Play Market جانە App Store جەلىسىنەن جۇكتەپ الىپ، ەلەكتروندى جانە اۋديوكىتاپتاردى ونلاين- وفلاين نۇسقادا وقىپ، تىڭداۋعا بولادى. «Tynda» موبيلدىك قوسىمشاسى «كلاسسيكالىق پروزا»، «كلاسسيكالىق پوەزيا»، «دالا داۋىسى»، «اباي الەمى»، «الەمدىك كلاسسيكا» اتتى تاڭداۋلى توپتامالار مەن «رومان»، «حيكايات»، «اڭگىمە»، «ەسسە»، «بالالار ادەبيەتى»، «ساتيرا»، «پوەما»، «ولەڭ»، «پەسا» جانە وزگە دە جانرلاردان تۇرادى.
سونداي- اق، ۇناعان كىتاپتاردى «مەنىڭ كىتاپتارىم» بولىمىنە ساقتاپ، «مەنىڭ سورەلەرىم» بولىمىندە جەكە كىتاپحاناڭىزدى جاساقتاۋعا مۇمكىندىك بار. ال «وقىلىم ستاتيستيكاسى» بولىمىندە اپتا، اي نەمەسە جىل بويى وقىلعان كىتاپتىڭ بەتتەر سانى، وقۋ جىلدامدىعى مەن وقۋ ۋاقىتىنىڭ ستاتيستيكاسى كورسەتىلەدى. «ايدىڭ جاڭا كىتاپتارى» ، «سىزگە ۇناۋى مۇمكىن» ، «كوپ ىزدەلگەن» سياقتى ايدارلاردان وقىرمان مەن تىڭداۋشى جاڭا ءارى سۇرانىستاعى كىتاپتاردى تابا الادى. اتاۋلى جوبا ءتول ادەبيەتىمىزدى ناسيحاتتاۋدى ءبىر عانا تەتىكپەن جۇزەگە اسىرۋدى، جاڭا شىعارمانى، كىتاپتى جىلدام ءارى وڭتايلى جولمەن تاراتۋدى، كىتاپقۇمار وقىرماننىڭ ۋاقىتىن ۇنەمدەۋدى كوزدەيدى.
