13:31, 22 - اقپان 2021 | GMT +5
قىستا سۋعا شومىلعان شىمكەنتتىك بالالار ەلدى تاڭعالدىردى
نۇر-سۇلتان. قازاقپارات - شىمكەنتتە شومىلۋ ماۋسىمى باستالدى. وسىنداي اتاۋمەن الەۋمەتتىك جەلىنى شارلاپ كەتكەن بەينەكورىنىس ەلىمىزدىڭ وزگە وڭىرلەرىندەگى جۇرتشىلىقتىڭ تاڭدانىسىن تۋدىردى، دەپ حابارلايدى «قازاقستان» ۇلتتىق ارناسى.
شىندىعىندا شىمكەنت قالاسىندا سوڭعى ءبىر اپتادان بەرى كۇن رايى 15-20 گرادۋس ارالىعىندا جىلى بولىپ تۇر. جالپى شاھاردى قاق جارىپ اعاتىن قوشقار اتا وزەنىنىڭ بويىنان جىل ون ەكى اي ادام ۇزىلمەيدى. ويتكەنى كوپشىلىك بۇلاقتان باستاۋ الاتىن سۋدىڭ دەنساۋلىققا تيگىزەر پايداسى زور دەپ سانايدى. وزەن بويىندا جاز مەزگىلىندە ءتىپتى ينە شانشار ادام بولمايدى.
«جوق، ىستىقتاعانداردى بىلمەيمىن. ءوزىمىز ايتەۋىر ەم ءۇشىن كەلەمىز. نەگىزى باسىم- اياعىم اۋىراتىن ەدى. وسى جەرگە تۇسكەلى جاقسى بولىپ قالدى. ەمدىك قاسيەتى بار. اياعىڭ ىسيدى. سونداي جاقسىلىقتارى بار»، - دەدى شىمكەنت قالاسىنىڭ تۇرعىنى ساكەن ىزدىبايەۆ.
