13:05, 22 - اقپان 2021 | GMT +5
سۋپەرماركەتتە تاعلىمدامادان ءوتىپ جۇرگەن بويجەتكەن قىمبات تون ۇرلاپ كەتتى
نۇر-سۇلتان. قازاقپارات - ەلوردانىڭ كريمينالدىق پوليتسيا قىزمەتكەرلەرى جەدەل ىزدەستىرۋ ءىس- شارالارى بارىسىندا تون ۇرلاۋ كۇدىگىنە ىلىككەن 20 جاستاعى بويجەتكەندى ۇستادى، دەپ حابارلايدى قازاقپارات ءتىلشىسى.
نۇر- سۇلتان قالالىق پوليتسيا دەپارتامەنتىنىڭ مالىمەتىنشە، تەرگەۋ بارىسىندا جىلجىمايتىن مۇلىك سۋپەرماركەتىنە جۇمىسقا تۇرىپ، تاعلىمدامادان ءوتىپ جۇرگەن بويجەتكەننەن قولايلى ءساتتى پايدالانىپ، قۇنى 600 مىڭ تەڭگە تۇراتىن توندى ۇرلاپ كەتكەن. ول ۇرلانعان زاتتى الداعى ۋاقىتتا ساتپاق بولعان. الايدا بويجەتكەن پوليتسيا قىزمەتكەرلەرىنىڭ قولىنا ءتۇستى.
«كۇدىكتىگە قاتىستى «ۇرلىق» بابىمەن قىلمىستىق ءىس قوزعالدى. بويجەتكەن كىناسىن مويىنداپ تۇسىنىكتەمە بەردى. قازىرگى ۋاقىتتا ونىڭ ەلوردا اۋماعىندا بۇعان دەيىن جاسالعان وسىنداي قىلمىستارعا قاتىستى تەكسەرىلۋدە. نۇر-سۇلتان قالالىق پوليتسيا دەپارتامەنتى ازاماتتارعا قىراعى بولۋعا، بەيتانىس ادامدارعا سەنبەۋگە شاقىرادى»، - دەپ اتاپ وتەدى ۆەدومستۆودان.
