قازاقستاندا ەپيدەميولوگيالىق احۋال تۇراقتاندى - دەنساۋلىق مينيسترلىگى
«ەلىمىزدە ەپيدەميولوگيالىق احۋال تۇراقتاندى. كوپتەگەن ازاماتتارىمىز وزدەرىنىڭ كۇندەلىكتى ىسىمەن اينالىسۋعا كىرىسىپ، ءتىپتى بۇل ينفەكسيانى ۇمىتىپ تا كەتتى. ءبىراق، ەلدە ينفەكسيانىڭ تارالۋىنا، كۇن سايىن اۋرۋعا شالدىعۋدىڭ 700-800 جاعدايىنىڭ تىركەلۋىنە بايلانىستى جانە جۇقپالى اۋرۋ تارالۋىنىڭ الدىن الۋ ءۇشىن كوپتەگەن ەل جاپپاي ۆاكسيناتسيا جۇرگىزىپ جاتىر. قازاقستاندا ۆاكسيناتسيا اقپان ايىندا باستالدى»، - دەدى اجار عينيات №6-ەمحانادا ۆاكسينانىڭ ەكىنشى دوزاسىن سالدىرعاننان كەيىن. سونىمەن قاتار ول دەنساۋلىق مينيسترلىگىنىڭ باسشىلىعى ۆاكسينانىڭ ەكىنشى دوزاسىن دا نەلىكتەن جاريا تۇردە العاندىعىن ءتۇسىندىردى.
«ۆاكسينا قاجەت. نەگىزگى ماقساتتارىنىڭ ءبىرى - يممۋنيتەتتى نىعايتۋ جانە اعزانى قورعاۋ. وسىعان وراي ءبىز ءتيىمدى ءارى ءقاۋىپسىز ۆاكسينانى ەكتىرۋگە شاقىرامىز»، - دەدى دەنساۋلىق ساقتاۋ ۆيتسە- ءمينيسترى.
اجار عينيات ءساۋىر ايىندا قازاقستاندىق ۆاكسينا زەرتتەۋىنىڭ ءۇشىنشى فازاسى اياقتالۋى تيىستىگىن ەسكە سالىپ ءوتتى.
«قازاقستاندىق ۆاكسيناعا قاتىستى ايتار بولسام، ءقازىر كلينيكالىق سىناقتىڭ ءۇشىنشى ساتىسى ءوتىپ جاتىر. ءساۋىر ايىندا كلينيكالىق سىناقتىڭ ءۇشىنشىفازاسى اياقتالۋى ءتيىس. وسى زەرتتەۋلەردىڭ قورىتىندىسى بويىنشا قازاقستاندىق ۆاكسينا ەلىمىزدە قولجەتىمدى بولادى»، - دەدى ول.
ەسكە سالا كەتسەك، ەرلان قياسوۆ پەن اجار عينيات كوروناۆيرۋسقا قارسى ۆاكسينانىڭ العاشقى دوزاسىن 1-اقپاندا سالدىرعان بولاتىن. ۆيتسە- مينيسترلەرگە رەسەيلىك «Sputnik V» ۆاكسيناسى ەگىلدى. بۇگىن دەنساۋلىق ساقتاۋ ۆيتسە- ءمينيسترى - باس مەملەكەتتىك سانيتارلىق دارىگەر ەرلان قياسوۆ جانە اتالمىش ۆەدومستۆونىڭ تاعى ءبىر ۆيتسە- ءمينيسترى اجار عينيات «Sputnik V» ۆاكسيناسىنىڭ ەكىنشى دوزاسىن سالدىردى. بۇعان دەيىن ق ر د س م سانيتاريالىق- ەپيدەميولوگيالىق باقىلاۋ كوميتەتى ۆاكسينامەن باسقارىلاتىن ينفەكسيالاردى باقىلاۋ باسقارماسىنىڭ باسشىسى نۇرشاي ازىمبايەۆا «كوروناۆيرۋس ۆاكسيناسىن سالدىرعانعا دەيىن جانە ودان كەيىن وقشاۋلانۋ كەرەك پە؟» دەگەن سۇراققا جاۋاپ بەرگەن بولاتىن.
«شىن مانىندە وقشاۋلانۋ - ادامداردىڭ باسقا بىرەۋلەرگە ۆيرۋس جۇقتىرۋىنىڭ الدىن الۋ ءۇشىن كەرەك. مۇنداي جاعدايدا كوروناۆيرۋس ۆاكسيناسىن سالدىرعانعا دەيىن جانە ودان كەيىن وقشاۋلانۋدىڭ قاجەتى جوق. ءبىراق ادامدار ەڭ الدىمەن، ءوزىنىڭ قاۋىپسىزدىگىن ويلاۋعا ءتيىس. سول سەبەپتى ۆاكسينا الاتىن ادام ءۇشىن تولىعىمەن كارانتين رەجيمىن ساقتاعان دۇرىس. ۆاكسينا سالدىراتىن كەز كەلگەن ادامنىڭ ەڭ بىرىنشىدەن، دەنى ساۋ بولۋى كەرەك. ەكپە العان ادام قورشاعان ورتاعا قاۋىپسىز. ۆاكسينالانعان ادامعا كوروناۆيرۋس جۇقپايدى. ياعني، ۆاكسينا قۇرامىندا ينفەكسيالىق نەگىز جوق»، - دەدى نۇرشاي ازىمبايەۆا.
اۆتور: مارلان جيەمباي
