مەندەلەيەۆ وتباسىنىڭ ون جەتىنشى بالاسى بولعان
ول ءوزى تۋرالى «ايگىلى پەريودتىق جۇيەنى تۇسىندە كورگەن» دەگەن قاۋەسەتتى ەستىگەندە قاتتى نالىعان. «مەن بۇل تۋرالى 25 جىل بويى ويلاندىم. ال ءسىز وتىردى دا، تۇسىندە كورگەن نارسەسىن جاساي سالدى دەپ ويلاساڭىز، ايتارعا ءسوزىم جوق».
مەندەلەيەۆ اتاقتى ورىس سۋسىنىن جاسادى دەگەن داقپىرت تا شىندىققا جاناسپايدى. بۇل اڭگىمەنىڭ شىعۋىنا نەگىز بولعان ونىڭ «سۋ مەن ءسپيرتتىڭ قوسىلىسى تۋرالى» جازعان ديسسەرتاتسياسى سەبەپ بولۋى مۇمكىن.
بولاشاق حيميك دۇنيەگە كەلگەن جىلى اكەسى يۆان پاۆلوۆيچ مەندەلەيەۆتىڭ كوزى كورمەي قالعان دا، توبول مەكتەبىندەگى ديرەكتور قىزمەتىنەن ايىرىلعان. سودان كەيىن وتباسىن اسىراۋدىڭ بۇكىل جاۋاپكەرشىلىگى ونىڭ اناسىنىڭ موينىنا جۇكتەلگەن.
ون ءۇش جاسىندا اكەسى كوز جۇمدى.
اناسى بار كۇشىن جيناپ، بالاسىن جوعارى وقۋعا تۇسىرمەك بوپ، تۋعان ولكەسى ءسىبىردى تاستاپ، سانكت-پەتەربۋرگ قالاسىنا كەلەدى. ويلاعانىنداي بالاسى وقۋعا ءتۇسىپ، ارادا ەكى اپتا وتكەندە جانى دا جاي تاۋىپ، اناسى ماڭگىلىك ساپارعا اتتانىپ كەتەدى.
ۇلكەن قالادا جالعىز قالعان مەندەلەيەۆ بار بوس ۋاقىتىن عىلىمعا ارنادى. 21 جاسىندا ۋنيۆەرسيتەتتى ءبىتىرىپ، ۇستازدىق جولىنا تۇسكەن.
بۇل ءبىز ۇسىنعان قىزىق دەرەكتىڭ ءبىر پاراسى عانا. عالىمنىڭ جەكە ومىرىندە ءبىزدىڭ قوعام قابىلداي المايتىن شىم-شىتىرىق جاعداي كوپ بولعان.
massaget.kz
