بيتكوين باعاسى تاعى دا قىمباتتادى
بۇعان Coindesk پورتالىنىڭ مالىمەتتەرى دالەل، دەپ حابارلايدى قازاقپارات.
وسىلايشا كريپتوۆاليۋتا باعاسى تاريحي ماكسيمۋمدى جاڭارتىپ وتىر.
ايتا كەتسەك، بيىلعى جىلدىڭ 9- اقپانىندا بيتكويننىڭ باعاسى $47000 دوللاردان اسىپ، تاريحي ماكسيمۋمعا جەتكەن ەدى. ودان كەيىن 50 مىڭ دوللاردان استى.
الەمدەگى ەڭ كوپ تارالعان كريپتوۆاليۋتا باعاسىنىڭ ءوسۋى Tesla كومپانياسىنىڭ جالپى سوماسى $1,5 ميلليارد بولاتىن بيتكويندى ساتىپ الۋىنا بايلانىستى دەلىنەدى.
ونى كومپانيا ۇسىناتىن قىزمەتتەر ءۇشىن تولەم رەتىندە پايدالانۋعا نيەتتى. بيتكوين - كەز كەلگەن قولدانۋشى، جۇيە قاتىسۋشىسى «وندىرە» (اينالىسقا شىعارا) الاتىن بلوكچەين تەحنولوگياسى نەگىزىندەگى ءوزى اتتاس كريپتوۆاليۋتانىڭ ورتالىقسىزداندىرىلعان جۇيەسى.
جۇيە كونتسەپتسياسىن 2008 -جىلدىڭ قاراشاسىندا ونىڭ اۆتورى (مۇمكىن اۆتورلار ۇجىمى) ساتوسي ناكاموتو جاريالادى.
بيتكويننىڭ تانىمالدىلىعى كەيىنگى جىلدارى ارتتى. بيتكويننىڭ ەميسسياسى تابيعي جولمەن شەكتەلگەن، قازىرگى كۇنى بيتكويننىڭ ءبىر بولىگى «وندىرىلگەن».
