تالدىقورعاندا كارانتين شەكتەۋلەرىنە ءبىرقاتار وزگەرىس ەنگىزىلدى

تالدىقورعان. قازاقپارات - تالدىقورعان قالاسىنىڭ باس مەملەكەتتىك سانيتارلىق دارىگەرى ەرمەك اسيمقۇلوۆ كارانتين رەجيمىنە قاتىستى قاۋلىعا وزگەرىستەر مەن تولىقتىرۋلار ەنگىزدى، دەپ حابارلايدى قازاقپارات ءتىلشىسى.

جاڭا قاۋلىعا سايكەس، شاھاردا جالپى ءبىلىم بەرەتىن مەكتەپتەردەگى 5، 6، 7، 8 جانە 10 سىنىپتار ءۇشىن ونلاين وقۋ ۇزارتىلدى. مەكتەپكە باراتىن بالالار نەمەسە ەڭبەك ۇجىمى اراسىندا COVID-19 ينفەكسياسىن جۇقتىرۋدىڭ ءبىر جاعدايى تىركەلگەن بولسا، ينكۋباتسيالىق كەزەڭنىڭ سوڭىنا دەيىن ءبىلىم ورداسى كارانتينگە جابىلادى.

«كۇشەيتىلگەن سانيتارلىق- دەزينفەكسيالىق جانە ماسكا رەجيمى ساقتالعان جاعدايدا ءبىلىم بەرۋ مەكەمەلەرىندە، ونىڭ ىشىندە كوللەدجدەر مەن ۋنيۆەرسيتەتتەردە قوعامدىق تاماقتانۋ ورىندارى قايتا اشىلادى. ءبىراق كەلۋشىلەر سانى جالپى ورىننىڭ % 30- نان اسپاۋى ءتيىس. بالالارعا ارنالعان تۇزەتۋ جانە قوسىمشا ءبىلىم بەرۋ ورتالىقتارىنىڭ قىزمەتىنە رۇقسات بەرىلدى. تالاپ بويىنشا الدىن الا جازىلۋ جۇرگىزىلىپ، ءار توپتا 15 ادامنان اسپاۋى قاجەت»، - دەلىنگەن قۇجاتتا.

سونداي- اق سپورت زالدارى، فيتنەس ورتالىقتار، باسسەيندەر، قوعامدىق مونشالار مەن ساۋنالار قايتا اشىلدى. جاڭا قاۋلى 22 - اقپاندا ساعات 7:00-دەن باستاپ كۇشىنە ەنەدى.

اۆتور: تالعاتجان مۇحامەتبەك ۇلى