الماتىدا كارانتيندىك شەكتەۋلەر جەڭىلدەتىلدى

الماتى. قازاقپارات - الماتىنىڭ مەملەكەتتىك باس سانيتار دارىگەرى جانداربەك بەكشين كارانتينگە قاتىستى جاڭا قاۋلىعا قول قويدى، دەپ حابارلايدى قازاقپارات ءتىلشىسى.

قۇجاتقا سايكەس، بالالار كابينەتتەرىنىڭ، تۇزەتۋ ورتالىقتارىنىڭ، بالالار مەن ەرەسەكتەرگە ارنالعان ءبىلىم بەرۋ ورتالىقتارىنىڭ قىزمەتىنە رۇقسات ەتىلەدى. توپتاعى ادام سانى 15 تەن اسپاۋى كەرەك. سونداي- اق، تولىمدىلىعى 50 ادامنان اسپايتىنداي مادەني نىساندار مەن كونسەرت زالدارىنىڭ (دايىندىق) قىزمەتىنە رۇقسات بەرىلدى: تەاترلاردا، كينوتەاترلاردا كورەرمەندەر زالىنىڭ تولىمدىلىعى %30 اسپاۋى ءتيىس. ال حايۋاناتتار باعىندا ماسكالىق رەجيم مەن الەۋمەتتىك قاشىقتىقتى قاتاڭ ۇستانۋ قاجەت.

اۆتور: ەلامان تۇرىسبەكوۆ