تۇركىستاندا تۇركىتىلدەس مەملەكەتتەر باسشىلارىنىڭ سامميتىنە دايىندىق باستالدى

تۇركىستان. قازاقپارات - تۇركىستان وبلىسىندا تۇركىتىلدەس مەملەكەتتەر باسشىلارىنىڭ سامميتىنە دايىندىق باستالدى. بۇل تۋرالى ءوڭىر اكىمى ءومىرزاق شوكەيەۆ حالىق الدىندا بەرگەن ەسەبىندە ايتتى، دەپ حابارلايدى قازاقپارات.

«حالقىمىز ءۇشىن ەلەۋلى وقيعا ورىن العالى تۇر. ەلباسىنىڭ تاپسىرماسىنا سايكەس، ناۋرىز ايىندا تۇركىستان قالاسىندا وتەتىن تۇركىتىلدەس مەملەكەتتەر باسشىلارىنىڭ سامميتىنە دايىندىق جۇمىستارى باستالدى. بۇل شارا - كۇللى تۇركى حالقىنىڭ رۋحاني- مادەني ورتالىعى - تۇركىستان قالاسىنىڭ تۋريزمىن جاڭا باعىتتا دامىتۋعا، تۋريستەردىڭ كوپتەپ كەلۋىنە ىقپال ەتەدى.

ەلباسىمىز نۇرسۇلتان ءابىش ۇلى نازاربايەۆ: «ءاربىر حالىق، ءاربىر تاۋەلسىز مەملەكەت ءوزىنىڭ رۋحاني ورتالىعىن ناقتىلاپ الۋى كەرەك. قازاقستاننىڭ رۋحاني ورتالىعى - تۇركىستان. ول - قازاق ەلىنىڭ رۋحاني جۇرەگى. بارشاڭىزدى وبلىسىمىز بەن تۇركىستان قالاسىن قايتا تۇلەتىپ، دامۋى ءۇشىن ءوز ۇلەستەرىڭىزدى قوسۋعا شاقىرامىن»، - دەدى ءومىرزاق شوكەيەۆ.

اۆتور: اينۇر اقبايەۆا