عالىمدار قارتايۋدىڭ ەمىن تاپتى
بۇل تۋرالى توكيو ۋنيۆەرسيتەتىنىڭ مەديتسينا عزي پروفەسسورى ماكوتو ناكانيسي ايتتى، دەپ حابارلايدى Stan.kz اقپارات اگەنتتىگى.
قارتايۋ قابىنۋ پروتسەستەرىن تۋدىراتىن ورگانداردا جاسۋشالاردىڭ جينالۋىنا بايلانىستى. مۇنداي جاسۋشالاردىڭ ءبىرى - قارتايعان نەمەسە سەنەستسەنتتى جاسۋشالار. ۋاقىت وتە كەلە ولار ءبولىنۋ قابىلەتىنەن ايىرىلادى، ورگانداردا جينالىپ، قارتايۋعا اكەلەدى.
«ەگەر ءسىز وسى جاسۋشالاردى الىپ تاستاساڭىز، ولار تۋدىرعان قابىنۋ پروتسەستەرىن توقتاتۋعا بولادى. وسىلايشا قارتتىق بەلگىلەرىنىڭ ايتارلىقتاي جاقسارۋىنا قول جەتكىزەسىز»، - دەپ ءتۇسىندىردى عالىم.
قارتايۋ جاسۋشاسىنا گلۋتاميندى گلۋتامين قىشقىلىنا اينالدىراتىن GLS1 فەرمەنتى قاجەت ەكەنى بەلگىلى بولدى. ەگەر ادام وسى فەرمەنتتىڭ ينگيبيتورىن قولدانسا، كارىلىكتى تۋدىراتىن جاسۋشالاردى جويۋعا بولادى.
بۇل گيپوتەزانى تەكسەرۋ ءۇشىن عالىمدار ەسكى تىشقانعا بەلگىلى ءبىر قاتەرلى ىسىك تۇرلەرىنە قارسى قولدانىلاتىن ءدارى ەنگىزدى، ونىڭ دامۋىنا GLS1 دە قولدانىلادى. ناتيجەسىندە تىشقاننىڭ بۇيرەك، باۋىر جانە وكپەسى جاقسى جۇمىس ىستەي باستادى، جالپى اعزاسى نىعايادى.
