11:30, 19 - اقپان 2021 | GMT +5
د د ۇ كوروناۆيرۋستىڭ وڭتۇستىك افريكالىق شتامى تەز جۇعاتىنىن راستادى
نۇر-سۇلتان. قازاقپارات - دۇنيەجۇزىلىك دەنساۋلىق ساقتاۋ ۇيىمى كوروناۆيرۋستىڭ وڭتۇستىك افريكالىق شتامى SARS- CoV-2- نىڭ «قاراپايىم» تۇرىنە قاراعاندا تەز جۇعاتىنىن راستادى، - دەپ حابارلايدى ر ي ا نوۆوستي.
د د ۇ توتەنشە جاعدايلار ءبولىمىنىڭ تەحنيكالىق توبىنىڭ جەتەكشىسى ماريا ۆان كەركحوۆەنىڭ سوزىنشە، بۇل اۋرۋدىڭ اۋىرلىعىنا اسەر ەتپەيدى.
«بۇل شتامم ۇلى بريتانيالىق ءتۇرى سەكىلدى تەز جۇعادى»، - دەدى ول.
ۇيىم وكىلى الەۋمەتتىك قاشىقتىقتى ساقتاۋ سەكىلدى قورعانىش شارالارىن جاساۋ ارقىلى ينفەكسيانىڭ تاراۋىن توقتاتۋعا بولاتىنىن اتاپ ءوتتى.
501.V2 شتامى العاش وڭتۇستىك افريكادا بىلتىرعى قازان ايىندا انىقتالعان. ECDC اۋرۋلاردى باقىلاۋ جانە الدىن الۋ ورتالىعىنىڭ مالىمەتتەرى بويىنشا، بۇگىندە ۆيرۋستىڭ بۇل ءتۇرى وڭتۇستىك افريكادا تاراپ جاتىر.
