ازەربايجاندىق دارىگەر: كوروناۆيرۋستان ساقتانۋدىڭ جالعىز جولى - ۆاكتسينا سالدىرۋ

باكۋ. قازاقپارات - كوروناۆيرۋستان ساقتانۋدىڭ جالعىز جولى - ۆاكتسينا سالدىرۋ. الاڭداۋعا ەشقانداي نەگىز جوق. باكۋ ساۋىقتىرۋ ورتالىعىنىڭ تەراپيەۆت ءبولىمىنىڭ مەڭگەرۋشىسى، ىشكى اۋرۋلار مامانى زاكير گۋليەۆ وسىلاي دەدى، دەپ حابارلايدى قازاقپارات.

«ءبىز كۇنى بويى كوروناۆيرۋس جۇقتىرعان 30-40 اداممەن قارىم-قاتىناس جاساعان كەزدەرىمىز بولدى. وسىعان قاراي ءبىز ازەربايجانعا ۆاكسينا جەتكىزىلگەنگە دەيىن ابدەن قينالدىق. ويتكەنى مەنىڭ دەنساۋلىعىما قاۋىپ ءتونىپ تۇرعان ەدى. COVID-19-عا قارسى ۆاكسينا سالدىرۋ تىعىرىقتان شىعۋدىڭ جالعىز جولى»، - دەيدى دارىگەر.

ماماننىڭ سوزىنشە، وعان ۆاكسينانىڭ ءبىرىنشى دوزاسى 26- قاڭتاردا سالىنعان، تاعى ءبىر دوزا 23- اقپاندا سالىنباق. ۆاكتسينانىڭ ءبىرىنشى دوزاسى سالىنعاننان كەيىن ەكى كۇن بويى دارىگەردىڭ بۇلشىقەتتەرى ازداپ اۋىرعان. دەگەنمەن ونىڭ دەنساۋلىق جاعدايى وتە جاقسى. مامان قازىرگى تاڭدا جۇمىس ىستەپ جاتقان مەكەمەنىڭ قاۋىپ توبىنداعى كوپتەگەن قىزمەتكەرى ۆاكتسينا العان.

ولار الدىمەن ەكپە الۋدان ءبىرشاما جۇرەكسىنگەن. ابىروي بولعاندا ۆاكتسينا سالدىرعانداردىڭ بارلىعىنىڭ دەنساۋلىق جاعدايى جاقسى. زاكير گۋليەۆتىڭ پىكىرىنشە، كوروناۆيرۋستان ساقتانۋدىڭ جالعىز جولى - ۆاكتسينا سالدىرۋ.

«مەنىڭ قالىڭ كوپشىلىككە ايتارىم، الاڭداۋعا ەش نەگىز جوق. ازەربايجاندا قولدانىلىپ جاتقان «CoronoVAC» ۆاكتسيناسىن قىتايدىڭ «SinoVac» كومپانياسى جاساپ شىعارعان جانە ول كوپتەگەن سىناقتاردان وتكىزىلىپ، تيىمدىلىگى دالەلدەنگەن. ءار ادام كەزەكپەن ۆاكتسينا سالدىرۋى كەرەك»، - دەيدى ىشكى اۋرۋلاردى ەمدەيتىن مامان.

ول سونىمەن قاتار ۆاكتسينانىڭ COVID-19 جاڭا شتامىنان %100 قورعاماسا دا ۆاكسينا العانداردا اۋرۋ جەڭىل وتەتنىن ايتتى. «ەني كلينيكا» مەكەمەسىنىڭ دارىگەر-لابورانتى نۋرالي يسمايلوۆ تا ۆاكتسينانىڭ ءبىرىنشى دوزاسىن الدى جانە ونىڭ دا دەنساۋلىق جاعدايى جاقسى.

«ۆاكسينا ۆيرۋستان ساقتانۋدىڭ جالعىز جولى، ول اۋەلدەن سولاي. دارىگەر رەتىندە بارلىعىن ۆاكتسينا الۋعا شاقىرامىن، اسىرەسە ءقاۋىپ توبىنداعى ازاماتتاردى»، - دەدى ن. يسمايلوۆ.

ايتا كەتەيىك، ازەربايجاندا مەملەكەتتىك شەكارا قىزمەتىنىڭ وكىلدەرىن ۆاكسينالاۋ جۇمىستارى باستالدى.