اۋا رايىنا بايلانىستى ءبىرقاتار جولدار جابىلدى

كوكشەتاۋ. قازاقپارات - اقمولا وبلىسىندا اۋا رايىنا بايلانىستى رەسپۋبليكالىق ماڭىزداعى ءبىرقاتار جولدار جابىلدى، دەپ حابارلايدى قازاقپارات ءتىلشىسى وبلىستىق توتەنشە جاعدايلار دەپارتامەنتىنىڭ باسپا ءسوز قىزمەتىنە سىلتەمە جاساپ.

اقمولا وبلىسىندا اۋا رايىنىڭ ناشارلاۋىنا بايلانىستى (قار، بوران) 18-اقپان ساعات 10:45 تەن باستاپ رەسپۋبليكالىق ماڭىزى بار اۆتوجول ۋچاسكەلەرىندە كولىكتىڭ بارلىق تۇرىنە قوزعالىس جابىلدى.

اتاپ ايتقاندا، «قوستاناي- اۋليەكول- سۇرعان» اۆتوجولىنىڭ 232-260-شاقىرىمىندا، قوستاناي وبلىسى شەكاراسىنان شۇرعان كەنتىنە دەيىنگى اراتىقتا كولىك جۇرۋىنە تىيىم سالىنعان.

«سونىمەن قاتار «جەزقازعان- پەتروپاۆل» اۆتوجولىنىڭ 377-595-شاقىرىمى (سۋرگانوۆا - بۇزىلىق كەنتى ارالىعى)، «جاقسى- ەسىل- بۇزىلىق» اۆتوجولىنىڭ 63-82-شاقىرىمى (جاقسى- اۋىلىنان بۇزىلىق كەنتىنە دەيىن) جابىق تۇر» دەدى ۆەدومستۆودان.

ايتا كەتەيىك، بۇعان دەيىن اقتوبە وبلىسىندا جولدار جابىلعانىن جازعان بولاتىنبىز.

اۆتور: اسلان وسپانوۆ