10:16, 18 - اقپان 2021 | GMT +5
چەمپيوندار ليگاسى: «يۋۆەنتۋس» قارسىلاسىنا ەسە جىبەردى
نۇر-سۇلتان. قازاقپارات - UEFA چەمپيوندار ليگاسى 1/8 فينالىندا تاعى ەكى ويىن وتكىزىلدى، دەپ حابارلايدى قازاقپارات ءتىلشىسى.

العاشقى جۇپتا پورتۋگاليانىڭ «پورتۋ» كلۋبى يتاليانىڭ «يۋۆەنتۋسىن» 2:1 ەسەبىمەن ءسۇرىندىردى.
بۇل ويىندا پورتۋگاليالىق كوماندا ساپىنان مەحدي تارەمي 2، مۋسسا مارەگا 46-مينۋتتاردا مەرگەندىگىمەن كوزگە ءتۇستى.
وعان «يۋۆەنتۋس» ساپىنان 82-مينۋتتا فەدەريكو كەزا ءبىر گولمەن جاۋاپ قايىردى. يسپانيانىڭ «سيەۆيلياسى» ءوز الاڭىندا گەرمانيانىڭ «بورۋسسيا دورتمۋند» كلۋبىنان 2:3 ەسەبىمەن جەڭىلىپ قالدى.
الاڭ يەلەرى قاتارىنان سۋسو 7، ليۋك دە يونگ 84 مينۋتتاردا قاقپانى ءدال كوزدەدى. ال نەمىس كلۋبىنان ليۋك ەرلينگ حولاند 27، 43-مينۋتتاردا قوس گولدىڭ اۆتورى اتانسا، تاعى ءبىر گولدى ماحمۋد داۋد سوقتى.
ەستەرىڭىزگە سالا كەتەلىك، بۇدان بۇرىن چەمپيوندار ليگاسىندا تاعى ەكى ويىن وتكىزىلگەن ەدى. سونداي-اق، بۇگىن UEFA ەۋروپا ليگاسىنىڭ 1/16 فينالىنىڭ العاشقى ويىندارى بولادى.