قازاقستاننان ب ا ءا مەن تۇركياعا اۆيارەيستەر سانى ارتتى

نۇر-سۇلتان. قازاقپارات - قازاقستان تۇركياعا جانە بىرىككەن اراب امىرلىكتەرىنە اۆيارەيستەر سانىن ارتتىردى، دەپ حابارلايدى قازاقپارات.

قازاقستاندا كوروناۆيرۋستىڭ تارالۋىنا جول بەرمەۋ جونىندەگى ق ر ۇكىمەتى جانىنداعى ۆەدومستۆوارالىق كوميسسيانىڭ 15- اقپانداعى شەشىمىنە سايكەس: - «SCAT» اۆياكومپانياسىنا نۇر-سۇلتان، الماتى، شىمكەنت، اقتاۋ، اتىراۋ، اقتوبە، ورال، قاراعاندى قالالارىنان ب ا ءا- ءنىڭ راس-ەل-حايم قالاسىنا اپتاسىنا 8 رەت قاتىناۋعا رۇقسات ەتىلدى.

بۇل رەتتە، كومپانيا اۋە كەمەسىنىڭ بورتىن جولاۋشىلارمەن %100 تولىقتىرا الادى. ءبىر عانا شارت - بارلىعىندا پ ت ر- تەستىلەۋدىڭ تەرىس ناتيجەسى بار انىقتاما بولۋى قاجەت. سونداي-اق تۇرىك اۆياكومپانيالارىنا «الماتى-انتاليا» باعىتىندا قوسىمشا ەكى رەيس ورىنداۋعا رۇقسات بەرىلدى.

اتاپ وتىلگەندەي، ۇشاقتاردا سانيتارلىق-ەپيدەميولوگيالىق تالاپتار قاتاڭ ساقتالادى جانە اۆياكومپانيالار سايتتارىندا جاريالانعان كەستەگە سايكەس ورىندالاتىن بولادى.