ۇرىلار ينسپەكتوردىڭ قىراعىلىعىنىڭ ارقاسىندا ۇستالدى
ۇرلىق تۋرالى پوليتسياعا شاعىم تۇسپەگەن. تەك ارىقبالىق اۋىلىنىڭ ۋچاسكەلىك پوليتسيا ينسپەكتورى، پوليتسيا كاپيتانى ابىلايحان رامازانوۆتىڭ قىراعى كوزى سالىنىپ جاتقان ءۇيدىڭ تەرەزەسى اشىق تۇرعانىن كورىپ، يەسىنە حابارلاسقان. سويتسە، شىنىندا ۇرلىق بولىپ، 10 اليۋميني جىلۋ باتارەياسىنىڭ قوپارىلىپ الىنىپ، جوعالعانى انىقتالعان. كەلتىرىلگەن شىعىننىڭ سوماسى 500 مىڭ تەڭگەنى قۇرادى.
جەدەل ۋاكىلدەر ۇرلىقتى جاساعان 20 جانە 22 جاستاعى جەرگىلىكتى ەكى تۇرعىن ەكەنىن دە تاپتى. ولاردىڭ بىرەۋى بۇرىن وسى قۇرىلىستا جۇمىس ىستەگەن.
اتالعان فاكتى ق ر قىلمىستىق كودەكسىنىڭ 188-بابى 3-بولىگى «ۇرلىق» بويىنشا سوتقا دەيىنگى تەرگەپ- تەكسەرۋلەردىڭ ءبىرىڭعاي تىزىلىمىنە ەنگىزىلدى. كۇدىكتىلەرگە قاتىستى مىندەتتى كەلۋ تۋرالى ماجبۇرلەۋ شاراسى تاعايىندالدى. ۇرلانعان زات الىندى جانە تەرگەۋ ارەكەتتەرى اياقتالعان سوڭ زاڭدى يەسىنە قايتارىلادى.
