الماتىدان قاسكەلەڭ مەن تالعارعا ەلەكتر پويىزى جۇرەتىن بولادى
بۇل تۋرالى الماتى اكىمى باقىتجان ساعىنتايەۆ حالىققا ەسەپ بەرۋ كەزدەسۋىندە ايتتى، دەپ حابارلايدى قازاقپارات ءتىلشىسى.
ونىڭ ايتۋىنشا، ادامدار مەن اۆتوكولىكتىڭ كۇن سايىنعى ارى- بەرى قوزعالىسىنان تۋىندايتىن سالماقتى ازايتۋ ماقساتىندا قالا سىرتىنا قاتىنايتىن قوعامدىق كولىكتى دامىتۋ قاجەت. اكىمدىك تاراپىنان قاجەتتى شارالار قابىلدانىپ جاتىر.
«قازىر قاسكەلەڭ مەن تالعارعا الماتىدان ەلەكتر پويىزىن جۇرگىزۋ ماسەلەسى قولعا الىنىپ وتىر. مىسالى، ماسكەۋدە جاقىن ماڭداعى ەلدىمەكەندەرگە جۇرەتىن «ەلەكتريچكالار» بار. سول سياقتى ءبىز دە تالعاردان «حالىق ارەناعا» دەيىن قاتىنايتىن ەلەكتريچكانى ىسكە قوسۋدى قاراستىرىپ جاتىرمىز. وسىنداي جوبامەن بىزگە جەكە ينۆەستور ءوزى شىعىپ وتىر. ءدال وسىنداي ماسەلەنى قاسكەلەڭ جاقتان جۇرگىزۋدى دە قاراستىرىپ جاتىرمىز»، - دەيدى اكىم.
اۆتور: الما مۇقانوۆا
