پاندەميادان كەيىن قالىپتى ومىرگە جەتى جىلدان سوڭ ورالامىز - ساراپشىلار

نۇر-سۇلتان. قازاقپارات - قازاقستان ۇلتتىق بانكىنىڭ ءتوراعاسى ەربولات دوسايەۆ پاندەميادان كەيىن قالىپتى ومىرگە ورالۋ جەتى جىلدان كەيىن بولادى دەپ ەسەپتەيدى.

ونىڭ ايتۋىنشا، ۆاكسينانى ءوندىرۋ جانە تاراتۋ بىركەلكى جۇرمەي جاتىر. بۇل تۋرالى Atameken Business تەلەارناسىنىڭ سيۋجەتىندە ايتىلدى، - دەپ حابارلايدى Tengrinews.kz ءتىلشىسى.

بۇگىندە ۆاكسيناتسيالاۋ قارقىنى بويىنشا جەتەكشى ەل يزرايل بولىپ تۇر، وندا حالىقتىڭ شامامەن 40 پايىزى ۆاكسينا سالدىردى. كەلەسى - ۇلى بريتانيا. ءۇشىنشى ورىندا - ا ق ش.

دامۋشى ەلدەردىڭ كوبى ءالى ۆاكسيناتسيالاۋعا كىرىسكەن جوق، دەپ اتاپ ءوتتى دوسايەۆ. سوڭعى مالىمەتتەر بويىنشا، قازاقستاندا 13 مىڭنان اسا ادام ۆاكسينا سالدىردى.

«حالىقارالىق ساراپشىلاردىڭ بولجامى بويىنشا، ۆاكسيناتسيانىڭ قازىرگى قارقىنىمەن الەم حالقىنىڭ 75 پايىزىن قامتۋ جانە قالىپتى ومىرگە قايتارۋ ءۇشىن جەتى جىلدان اسا ۋاقىت قاجەت بولادى. جاھاندىق قور نارىقتارى قاڭتاردا پاندەميانىڭ قايتا ءورشۋى مەن ۆاكسينا تاراتىلۋىنىڭ كەشىگۋىنە بايلانىستى ەكونوميكا باياۋلاۋى مۇمكىن دەگەن قورقىنىشپەن تومەندەدى»، - دەپ مالىمدەدى دوسايەۆ.