د د ۇ وكىلى قانداي جاعدايدا پاندەميانىڭ ءۇشىنشى تولقىنى بولاتىنىن ايتتى

نۇر-سۇلتان. قازاقپارات - دۇنيەجۇزىلىك دەنساۋلىق ساقتاۋ ۇيىمىنىڭ رەسەيدەگى وكىلى مەليتا ۆۋينوۆيچ ادامدار قاۋىپسىزدىك شاراسىن ساقتاماسا كوروناۆيرۋس پاندەمياسىنىڭ ءۇشىنشى تولقىنى باستالاتىنىن ايتتى.

بۇل تۋرالى ول «روسسيا 1» تەلەارناسىنا بەرگەن ەكسكليۋزيۆ سۇحبتاتتا ايتتى، - دەپ حابارلايدى Tengrinews.kz ءتىلشىسى.

«ەكىنشى تولقىن. ءيا، قازىر دۇنيە ءجۇزى بويىنشا كورسەتكىش تومەندەپ كەلە جاتىر. ۇجىمدىق يممۋنيتەت ءالى تولىق قالىپتاسپادى. ەگەر قاۋىپسىزدىك ساقتاماساق، ءيا، ءۇشىنشى تولقىن بولۋى مۇمكىن. ول ادامداردىڭ ارەكەتىنە بايلانىستى»، - دەدى ۆۋينوۆيچ.

د د ۇ وكىلى پاندەميا قاشان اياقتالاتىنىن ايتا المادى.

«بىرنەشە كريتەري بولادى. بارلىق وڭىردە ءبىر مەزەتتە ناۋقاس سانى ەپيدەميولوگيالىق شەكتەن تومەن دەڭگەيگە دەيىن ازايادى. ءبىراق ول كەزدە دەنساۋلىق ساقتاۋ جۇيەسىندە بۇل سالانىڭ جۇمىسىنا كەدەرگى جاسايتىنداي اۋىرتپالىق تۇسپەيدى. ءبىراق ول قاشان بولاتىنىن ايتۋ قيىن»، - دەدى د د ۇ وكىلى.

مەليتا ۆۋينوۆيچ كوروناۆيرۋستىڭ قالاي پايدا بولعانى تۋرالى ايتقان كەزىندە تاياۋدا د د ۇ ساراپشىلار توبى قىتايدا جۇمىس ىستەگەنىن اتاپ ءوتتى.

«ءبىرىنشى ەسەپتى كۇتىپ وتىرمىز. ول جەردە ءتورت نۇسقا بار. ءبىرىنشى بولجام ادامعا جارقاناتتان نە باسقا جانۋار ارقىلى تاراۋى. ەڭ سوڭعى نۇسقانىڭ ءبىرى - زەرتحاناداعى جاعداي. ءبىراق ول، ارينە، قاراستىلىپ جاتقان نۇسقالاردىڭ ءبىرى عانا»، - دەدى مامان.

د د ۇ مالىمەتىنشە، 16- اقپانداعى جاعداي بويىنشا، دۇنيە جۇزىندە كوروناۆيرۋس جۇقتىرعان 108822960 ادام انىقتالعان، ونىڭ 2403641 ءى قايتىس بولعان.