نۇر-سۇلتاندا داعدارىسقا قارسى بولىنگەن قاراجات يگەرىلمەي جاتىر

نۇر-سۇلتان. قازاقپارات - ەلوردادا بيۋجەتتىڭ اتقارىلۋىندا ەلەۋلى كەمشىلىكتەر انىقتالدى.

بۇل تۋرالى نۇر-سۇلتان قالاسى بويىنشا تەكسەرۋ كوميسسياسىنىڭ ءتوراعاسى ءيمانجۇسىپ اقپومبايەۆ ايتىپ بەردى، دەپ حابارلايدى قازاقپارات ءتىلشىسى.

«تەكسەرۋ كوميسسياسى تۇراقتى تۇردە ەلوردا بيۋدجەتىتىڭ ورىندالۋىنا مونيتورينگ جۇرگىزەدى. تالداۋ كورسەتكەندەي، ەلوردا بيۋجەتىنىڭ ورىندالۋىندا ەلەۋلى كەمشىلىكتەر بولعان. ماسەلەن، بيۋجەتتىڭ شىعىس بولىگىندە وتكەن جىلعا قاتىستى بيۋدجەتتىڭ ورىندالماۋىنىڭ جوعارى دەڭگەيى بايقالادى - 7,2 ميلليارد تەڭگە، الدىڭعى جىلى بۇل كورسەتكىش 2,6 ميلليارد تەڭگە بولعان ەدى»، - دەدى ي. اقپومبايەۆ نۇر-سۇلتان قالاسىنىڭ ءماسليحاتىندا بيۋجەت، ەكونوميكا، ونەركاسىپ جانە كاسىپكەرلىك ماسەلەلەرى جونىندەگى تۇراقتى كوميسسيانىڭ وتىرىسىندا.

ونىڭ ايتۋىنشا، بيۋجەت يگەرىلمەۋىنىڭ نەگىزگى بولىگى قۇرىلىس باسقارماسىندا بايقالعان.

بيۋجەتتىڭ ورىندالۋى كەزىندە سىن-تاۋەكەلدەر انىقتالماعان جانە 6 283,1 ميلليون تەڭگەنى، ونىڭ ىشىندە داعدارىسقا قارسى 3 955,3 ميلليون تەڭگەنى يگەرۋ بويىنشا شارا قابىلدانباعان. بۇعان دەيىن ءيمانجۇسىپ اقپومبايەۆ ەلوردادا 107,9 ميلليارد تەڭگەگە قارجىلىق بۇزۋشىلىقتار بولعانىن ايتقان ەدى.