تۇرسىنباي قۇلاحمەت گولوۆكيننىڭ قارسىلاسىن جاتتىقتىرعان باپكەرمەن جۇمىس ىستەي باستادى
قۇلاحمەت جۋىردا مانچەستەر (انگليا) قالاسىنا كەلىپ، كەلەسى كەزدەسۋىنە دايىندىعىن باستادى. ونىڭ الداعى كەزدەسۋى قاشان وتەتىنى جۋىردا بەلگىلى بولادى.
دجەيمي مۋر ۇلى بريتانياداعى ەڭ مىقتى باپكەلەردىڭ ءبىرى. ول كارل فرەمپتون، دجەك كاتتەرالل، روككي فيلدينگ، ستيۆەن ۋورد جانە باسقا اتاقتى بوكسشىلارمەن جۇمىس ىستەگەن. سونىمەن قاتار ول گەننادي گولوۆكيننىڭ بۇرىنعى قارسىلاسى مارتين ميۋررەيدى دە جاتتىقتىرعان.
قۇلاحمەت بولسا سوڭعى رەت شارشى الاڭعا 11-قاراشا كۇنى انگليادا شىعىپ، تورەشىلەردىڭ شەشىمى بويىنشا ماكولەي ماكگوۋەندى (14-2-1، 3 KO) جەڭدى. بۇل كەزدەسۋدە ول ءبىرىنشى ورتا سالماقتا WBC International جەڭىپ الدى.
ايتا كەتەيىك، بۇل قۇلاحمەتتىڭ كاسىپقوي بوكستاعى ەكىنشى كەزدەسۋى بولاتىن. ول ءبىرىنشى كەزدەسۋىن الماتى قالاسىندا وتكىزىپ، ساعادات راقمانقۇلدان ۇستەم ءتۇستى.
تۇرسىنباي اۋەسقوي بوكستا دا تابىستى ونەر كورسەتتى. تارقاتىپ ايتساق، ول 2019-جىلى ازيا چەمپيونى اتانىپ، ءدال سول جىلى الەم بىرىنشىلىگىنىڭ قولا جۇلدەسىن ۇتىپ العان.
