قانات يسلام ا ق ش- تا وتەتىن بوكس كەشىندە جەكپە-جەك وتكىزبەيتىن بولدى

نۇر-سۇلتان. قازاقپارات - ورتا سالماقتا ونەر كورسەتەتىن قازاقستاندىق بوكسشى قانات يسلام (27-0، 21 ك و) 20-اقپان كۇنى مايامي (ا ق ش) قالاسىندا وتەتىن بوكس كەشىندە جۇدىرىقتاسپايتىن بولدى، دەپ حابارلايدى Vesti.kz پورتالى دەرەككوزگە سىلتەمە جاساپ.

الداعى ايقاستا ونىڭ قارسىلاسى 33 جاستاعى گانالىق وبوداي ساي (35-3-1، 26 ك و) بولۋى كەرەك ەدى.

الايدا، دەرەككوزدىڭ اقپاراتى بويىنشا، قازاقستاندىق بوكسشى بۇل كەشتە جۇدىرىقتاسپايدى. بۇل ماسەلەگە قاتىستى بوكسشىنىڭ ءوزى دە، باپكەرى رودجەر روما دا ءالى ەشقانداي مالىمدەمە جاسامادى.

قانات يسلامنىڭ شارشى الاڭعا قايتا ورالاتىنى تۋرالى اقپارات جىل باسىندا شىققان بولاتىن. كەيىن قازاقستاندىق بوكسشى دەنساۋلىعىنا بايلانىستى جەكپە-جەكتەن باس تارتتى.

ەسكە سالايىق، يسلامنىڭ شارشى الاڭعا شىقپاعانىنا ءبىر جىلدان اسىپ كەتتى. ول سوڭعى كەزدەسۋىن 2019-جىلى 26-قاراشادا الماتى قالاسىندا وتكىزىپ، ناميبيالىق بوكسشى ۋولتەر كوۋتوندوكۆانى (18-2، 17 ك و) ۇتتى. بۇل كەزدەسۋدە يسلام WBO International بەلبەۋىن جەڭىپ الدى.