الەمدە كوروناۆيرۋستى جەڭە باستاعان العاشقى مەملەكەت
ەلدە ۆاكسينانىڭ ەكى دوزاسىن حالىقتىڭ 30 پروتسەنتى الىپ ۇلگەرگەن. ناتيجەسىندە ۇكىمەت كارانتين شەكتەۋلەرىن بىرتىندەپ الۋعا كوشتى. يزرايل بيلىگى ىندەتپەن كۇرەستە جەتكەن جەتىستىكتەرىن ماقتانىش سەزىممەن ايتا باستادى. سەبەبى ەلدە ۆيرۋستى جۇقتىرعاندار سانى تومەندەپ كەلەدى.
اسىرەسە ۆاكسينانىڭ 2 دوزاسىن العاندار اراسىندا دەرتكە شالدىققاندار تىركەلمەگەن. ءارى ولار جاسى 60-تان اسقان قارتتار جانە ىندەت جۇقتىرۋ قاۋىپى جوعارى توپتارعا جاتاتىن ازاماتتار.
يۋلي ەدەلشتەين، يزرايل دەنساۋلىق ساقتاۋ ءمينيسترى:
- ءوز باسىم بارلىق حالىقتى ەكپە سالدىرۋعا شاقىرامىن. ونىڭ پايدالى ەكەنىن قالاي ايتىپ جەتكىزۋگە بولادى. مىسالى، ءبىز ىندەتتىڭ تارالۋىنىڭ تومەندەۋىنە قول جەتكىزىپ، داعدارىستان شىعا باستادىق. دەمەك ەپيدەميانى تولىق جەڭۋ ءبىزدىڭ ۆاكسينا سالدىرۋمىزعا بايلانىستى. بالكىم تولىق جەڭىس دەۋگە ءالى ەرتە شىعار، دەگەنمەن ىندەتتى تولىق توقتاتۋعا دەگەن سەنىم ارتتى.
ەلدە ءولىم- ءجىتىم ازايدى. ۆاكسينانى ءبىرىنشى بولىپ سالدىرعان دارىرگەرلەر اراسىندا ۆيرۋستى جۇقتىرۋ توقتادى. ەكپەنى جاسى 16-دان اسقان كەز كەلگەن ازاماتتىڭ الا الۋى ءۇشىن بارلىق شەكتەۋ الىنىپ تاستالدى. ۆاكسينانىڭ پايداسى جايلى ءتۇسىندىرۋ جۇمىستارى جان- جاقتى جۇرگىزىلدى.
يزرايل ەكپە ارقاسىندا كارانتين شەكتەۋلەرىن دە بىرتىندەپ الا باستادى. ادامداردىڭ ءجۇرىپ- تۇرۋىنا سالىنعان تىيىمدار جويىلىپ، قوناققا بارۋىنا رۇقسات ەتىلدى. بالا باقشالار مەن باستاۋىش سىنىپتار اشىلدى. كەي ونەركاسىپتەر جۇمىسىن قايتا جالعاستىرا باستادى. اسكەري بارلاۋ ساراپشىلارى ەگەر قازىرگىدەي ءۇردىس ساقتالسا، كوكتەم ورتاسىنا قاراي يزرايل ەپيدەميانى جەڭگەن ءبىرىنشى مەملەكەت بولادى دەپ وتىر.
www.24.kz
