كاسپي قۇبىر جەلىسى كونسورتسيۋمى مۇناي ءوندىرۋ جوسپارىن جاريالادى

نۇر- سۇلتان. قازاقپارات - «كاسپيي قۇبىر جەلىسى كونسورسيۋمى- ك» ا ق باس ديرەكتورى نيكولاي گوربان مۇناي ءوندىرۋ جوسپارىن جاريالادى، دەپ حابارلايدى قازاقپارات ءتىلشىسى.

«ءبىزدىڭ جوسپارىمىز ادەتتەگىدەي جاھاندىق سيپاتقا يە. 67 ميلليون تونناعا جۋىق ءوتىنىم بار. مۇنداي جاعدايعا مۇناي وندىرۋشىلەردىڭ بىزگە بۇل كولەمدى قانشالىقتى بەرەتىنىنە بايلانىستى. ءبىراق ءبىز 67,5 ميلليون توننالىق العاشقى ءوتىنىمدى قابىلداۋعا دايىنبىز»، - دەدى نيكولاي گوربان ورتالىق كوممۋنيكاتسيالار قىزمەتىندەگى باسپا ءسوز ءماسليحاتىندا.

«قازمۇنايگاز» ا ق باسقارما ءتوراعاسىنىڭ ورىنباسارى دانيار بەرلىبايەۆتىڭ ايتۋىنشا، كومپانيا بىلتىر قىتايعا 12 ميلليون توننا مۇناي ەكسپورتتاعان.

«ءبىراق 2021 -جىلى باتىس قازاقستاننان قىتاي باعىتىنداعى ءبىزدىڭ مۇناي قۇبىرىنىڭ قۋاتتىلىعى 20 ميلليون توننا بولاتىنىن ەسكەرۋىڭىز كەرەك. ءبىراق باعا جاعدايىنا بايلانىستى بىزگە قارا تەڭىز نارىعى تيىمدىرەك. قىتاي باعىتىندا مۇناي رەسەي ارقىلى جەتكىزىلەدى. ءبىز رەسەيدەن قىتايعا 10 ميلليون توننادان استام مۇنايدى قازاقستان ارقىلى ترانزيتپەن تاسىمالدايمىز. دەمەك، بۇل جاعداي ءبىزدىڭ ەكونوميكامىزعا دا ءتيىمدى. مەنىڭ ويىمشا، وسى جىلى دا 12 ميلليون توننالىق كورسەتكىش وزگەرىسسىز قالادى»، - دەپ قورىتىندىلادى دانيار بەرلىبايەۆ.

اۆتور: ايان بەكەن ۇلى