ۇلى بريتانيادا كوروناۆيرۋستىڭ تاعى ءبىر قاۋىپتى شتامى تابىلدى

لوندون. قازاقپارات - ساراپشىلاردىڭ پىكىرىنشە، كوروناۆيرۋستىڭ تاعى ءبىر الاڭداۋشىلىق تۋدىراتىن نۇسقاسى ۇلى بريتانيادان تابىلعان.

B1525 دەپ اتالاتىن نۇسقا 10 ەلدە، سونىڭ ىشىندە دانيا، ا ق ش جانە اۋستراليادا گەنومدى تىزبەكتەۋ ارقىلى انىقتالدى. ەدينبۋرگ ۋنيۆەرسيتەتى زەرتتەۋشىلەرىنىڭ ايتۋىنشا، ۇلى بريتانيادا وسى ۋاقىتقا دەيىن 32 جاعداي تابىلعان. كورونوۆيرۋستىڭ بۇل نۇسقاسىن انىقتاۋ پروتسەسى العاش رەت جەلتوقسان ايىندا ۇلى بريتانيا مەن نيگەريادا جۇرگىزىلدى، دەپ حابارلايدى قازاقپارات Eminetra باسىلىمىنا سىلتەمە جاساپ.

زەرتتەۋشىلەردىڭ پىكىرىنشە، بۇل نۇسقا ءوزىنىڭ گەنومىنداعى В117 كەنت نۇسقاسىنا ۇقساس جانە كوپتەگەن الاڭداۋشىلىق تۋدىراتىن مۋتاتسيالاردى، سونىڭ ىشىندە E484K اقۋىز مۋتاتسياسىن قامتيدى. بۇل E484K اقۋىز مۋتاتسياسى وڭتۇستىك افريكا مەن برازيليادا پايدا بولعان ۆيرۋس شتامدارىندا كەزدەسەدى جانە ۆيرۋستىڭ ورگانيزمدە پايدا بولعان بەيتاراپتاندىراتىن انتيدەنەلەردەن اۋلاق بولۋىنا كومەكتەسەدى دەپ سانالادى.

رەدينگ ۋنيۆەرسيتەتىنىڭ جاسۋشالىق ميكروبيولوگيا كافەدراسىنىڭ دوتسەنتى دوكتور سايمون كلارك (Dr. Simon Clark) كوروناۆيرۋس ينفەكسياسىنىڭ پايدا بولۋ مۇمكىندىگىنە نەمەسە اۋرۋدىڭ اۋىرلىعىنا قانشا مۋتاتسيا اسەر ەتەتىنى بەلگىسىز ەكەنىن ايتتى. E484K مۋتاتسياسىنىڭ كەيبىرى ءبىرقاتار ۆاكتسينالارعا ءتوزىمدى. كلارك الاڭداۋشىلىق تۋدىراتىن نۇسقالاردى انىقتاۋ ءۇشىن كوروناۆيرۋستى تەستىلەۋ سانىن كوبەيتۋ كەرەك دەدى.

اۆتور: اياۋلىم التىنبەك