10:31, 16 - اقپان 2021 | GMT +5
كوروناۆيرۋس: ءبىر وبلىس «قىزىل» ، بەس ءوڭىر «سارى» ايماقتا تۇر
نۇر- سۇلتان. قازاقپارات - دەنساۋلىق ساقتاۋ مينيسترلىگى 16-اقپانداعى ەپيدەميولوگيالىق احۋالدى باعالاۋ ماتريتساسىن جاريالادى، دەپ حابارلايدى قازاقپارات.
16-اقپانداعى ەپيدەميولوگيالىق احۋالدى باعالاۋ ماتريتساسىنا سايكەس، قازاقستاننىڭ ءبىر وبلىسى عانا «قىزىل» ايماقتا قالعان. ول - پاۆلودار وبلىسى. «سارى» ايماقتا نۇر- سۇلتان قالاسى، اقمولا، قوستاناي، سولتۇستىك قازاقستان، باتىس قازاقستان وبلىستارى بار. قالعان وڭىرلەردىڭ ءبارى «جاسىل» ايماقتا.
جالپى قازاقستان كوروناۆيرۋستىڭ تارالۋ قاۋپى جاعىنان «جاسىل» ايماقتا تۇر. ەسكە سالساق، بۇعان دەيىن ق ر باس مەملەكەتتىك سانيتارلىق دارىگەرى ەرلان قياسوۆتىڭ كارانتين شارالارىن جەڭىلدەتۋ تۋرالى جاڭا قاۋلىسى جاريالانعان بولاتىن. قاۋلى ەرەجەلەرىنە سايكەس، «جاسىل» ايماقتاعى وڭىرلەردە مەشىتتەرگە جۇرتتىڭ جينالۋىنا، سونىمەن قاتار مەكتەپ اسحانالارىنىڭ جۇمىسىنا رۇقسات بەرىلدى.
