قازاقستاننىڭ التىن- ۆاليۋتا قورىنىڭ كولەمى قانشا
بۇل تۋرالى بۇگىن ۇكىمەت وتىرىسىندا ق ر ۇلتتىق بانك ءتوراعاسى ەربولات دوسايەۆ ايتتى، دەپ حابارلايدى قازاقپارات ءتىلشىسى.
«التىن- ۆاليۋتا رەزەرۆتەرى وزگەرمەي، بيىلعى قاڭتاردىڭ سوڭىندا الدىن الا دەرەكتەر بويىنشا 35,6 ميلليارد ا ق ش دوللارى بولدى. التىن باعاسىنىڭ تومەندەۋى ناتيجەسىندە التىن پورتفەلىنىڭ تومەندەۋى ەركىن كونۆەرتاتسيالاناتىن ۆاليۋتاداعى اكتيۆتەردىڭ وسۋىمەن تەڭەستىرىلدى»، - دەدى ەربولات دوسايەۆ.
ونىڭ ايتۋىنشا، شەتەل ۆاليۋتاسىنداعى اكتيۆتەر مەملەكەتتىك قارىزدى تولەۋمەن، سونداي- اق ەكىنشى دەڭگەيدەگى ءبىر بانكتىڭ 500 ميلليون ا ق ش دوللارىنا ۆاليۋتالىق وبليگاتسيالارىن وتەۋ مىندەتتەمەلەرىن ورىنداۋىنا بايلانىستى قازاقستان ۇلتتىق بانكىندەگى شوتتاردان ەكىنشى دەڭگەيدەگى بانكتەر قاراجاتىنىڭ اكەتىلۋىمەن ءىشىنارا رەتتەلگەن ازيا دامۋ بانكى قارىزىنان قاراجاتتىڭ كەلۋى ەسەبىنەن ءوستى.
«جالپى حالىقارالىق رەزەرۆتەر جىل باسىنان باستاپ 1 ميلليارد ا ق ش دوللارىنا تومەندەپ، 93,3 ميلليارد ا ق ش دوللارىن قۇرادى»، - دەدى ۇلتتىق بانك ءتوراعاسى.
