قازاقستاندىقتار زەينەتاقى جيناعىنىڭ ءبىر بولىگىن قايدا جۇمساپ جاتىر
«بيىلعى قاڭتاردا اقپاراتتىق جۇيەلەردى ينتەگراتسيالاۋعا بايلانىستى دايىندىق جۇمىسى اياقتالعان سوڭ ءبىرىڭعاي جيناقتاۋشى زەينەتاقى قورى ازاماتتاردىڭ زەينەتاقى جيناقتارىنىڭ ءبىر بولىگىن الۋعا ارنالعان وتىنىمدەرىن قابىلداي باستادى. 12-اقپانداعى جاعداي بويىنشا 1855,9 ميلليارد تەڭگە سوماسىنا 115608 ءوتىنىم قابىلداندى. ونىڭ ىشىندە 423,6 ميلليارد تەڭگە سوماسىنا 78074 ءوتىنىم وڭدەۋگە قابىلدانىپ، ماقۇلداندى»، - دەدى ول.
ۇ ب ءتوراعاسىنىڭ ايتۋىنشا، 12-اقپاندا ب ج ز ق 408,2 ميلليارد تەڭگە سوماسىنا 75186 ءوتىنىم بويىنشا ءبىرجولعى زەينەتاقى تولەمىن اۋداردى.
«ازاماتتار الىنعان جيناقتاردىڭ 87 پايىزىن تۇرعىن ءۇي ماسەلەلەرىن شەشۋگە، ونىڭ 45,5 پايىزىن - تۇرعىن ءۇي ساتىپ الۋعا (يپوتەكاسىز)؛ 28,3 پايىزىن - يپوتەكالىق قارىز بويىنشا بەرەشەكتى وتەۋگە؛ 10,5 پايىزىن ەكىنشى دەڭگەيدەگى بانكتەرگە باستاپقى جارنا ءۇشىن جانە وتباسى بانكىندە يپوتەكا الۋعا؛ 2,3 پايىزىن جەكە تۇرعىن ءۇي قۇرىلىسىن سالۋعا، يپوتەكانى قايتا قارجىلاندىرۋعا، ساتىپ الۋ قۇقىعىمەن جالداۋ شارتى بويىنشا بەرەشەكتى وتەۋگە جانە وزگە دە ماقساتتارعا جۇمساۋعا نيەتتەنەدى»، - دەدى ەربولات دوسايەۆ.
