بىرىككەن اراب امىرلىگىنىڭ عارىش زوندى مارستاعى العاشقى سۋرەتتى جىبەردى

نۇر-سۇلتان. قازاقپارات - بىرىككەن اراب امىرلىگىنىڭ «ال- امال» (ءۇمىت) اتالاتىن عارىش زوندى مارستاعى العاشقى سۋرەتتى جىبەردى.

بۇل تۋرالى ب ا ءا پرەمەر- ءمينيسترى جانە دۋباي ءامىرى مۇحاممەد بەن راشيد ال ماكتۋم Twitter جەلىسىندە حابارلادى.

دۋباي ءامىرى اراب زوندى تۇسىرگەن فوتوسۋرەتتى جاريالاپ، ونىڭ قىزىل پلانەتا بەتىنەن 25 مىڭ شاقىرىم بيىكتىكتە تۇسىرىلگەنىن ايتتى.

ال- امال زوندى 2020 -جىلى 20 - شىلدەدە جاپونيانىڭ تانەگاشيما ارالىنداعى عارىش ايلاعىنان H- IIA زىمىران تاسىعىشى ارقىلى ۇشىرىلعان.

مارستى زەرتتەۋگە ارنالعان 1350 كەلىلىك قۇرىلعى ب ا ءا عارىش اگەنتى، مۇحاممەد بەن راشيد عارىش ورتالىعى جانە ا ق ش- تىڭ ءۇش ۋنيۆەرسيتەتىمەن بىرلەسىپ جاسالعان. ول مارستىڭ كليماتىن انىقتايتىن فاكتورلاردى بەلگىلەۋ ءۇشىن قولدانىلادى. ميسسيا شامامەن ەكى جىلعا سوزىلادى.

9-اقپاندا ب ا ءا- ءنىڭ «ال- امال» («ءۇمىت») اۆتوماتتى پلانەتاارالىق ستانتسياسى شامامەن 500 ميلليون قاشىقتىقتى باسىپ ءوتىپ، قىزىل پلانەتا وربيتاسىنا جەتكەن بولاتىن. وسىلايشا، ب ا ءا عارىش كەمەسى مارسقا جەتكەن بەسىنشى ەل اتاندى.

massaget.kz