كاسىپقوي بوكس: بوبىرجان مومىنوۆتىڭ قارسىلاسى وزگەردى
بۇعان دەيىن BoxRec.com سايتى 27-ناۋرىز كۇنى رەسەيدىڭ ەكاتەرينبۋرگ قالاسىندا بوبىرجان مومىنوۆ جارتىلاي ورتا سالماقتا بوس تۇرعان IBF Baltic چەمپيوندىق اتاعى ءۇشىن ۋكراينالىق ەۋارد سكاۆينسكيمەن (13-0، 7ك و) جۇدىرىقتاساتىندىعىن جاريا ەتكەن بولاتىن. دەگەنمەن، ۆكونتاكتە الەۋمەتتىك جەلىسىندەگى «قازاقستاننىڭ كاسىپقوي بوكسى» پاراقشاسىنداعى اقپاراتقا سايكەس، وتانداسىمىز 25-ناۋرىز كۇنى پۋەرتو- ريكودا وتەتىن Ring City كەزەكتى شوۋىندا شارشى الاڭعا ورالماق.
«دوستار! اللانىڭ قالاۋىمەن شارشى الاڭعا 25-ناۋرىزدا پۋەرتو- ريكودا شارشى الاڭعا ورالاتىندىعىمدى حابارلاعىم كەلەدى. سىزدەردى كەزەكتى رەت جەڭىسىممەن قۋانتۋ ءۇشىن بارلىق مۇمكىندىكتى جاسايمىن»، - دەپ جازدى وتانداسىمىز Instagram-پاراقشاسىندا.
ونىڭ بۇل جولعى قارسىلاسى امەريكالىق برايان سەبالو (12-0، 6ك و) . سەبالو - قازاقستاننىڭ بوكس جانكۇيەرلەرى ءۇشىن تانىس ەسىم. ول 2019 -جىلى شارشى الاڭدا وتانداسىمىز باقتيار ايۋبايەۆپەن (14-2-1، 12ك و) كەزدەسىپ، تورەشىلەر شەشىمىمەن جەڭىسكە جەتكەن بولاتىن. ال مومىنوۆ سوڭعى جەكپە- جەگىن 2020 -جىلدىڭ 27-قىركۇيەگىندە قازان قالاسىندا وتكىزىپ، تورەشىلەردىڭ باسىم داۋىسىمەن رەسەيلىك ۆاگيناك تامرازياندى جەڭىپ، جارتىلاي ورتا سالماقتا IBF Eurasia چەمپيوندىق اتاعىن جەڭىپ العان ەدى.
