يلون ماسك بايقاۋىنىڭ فيناليسى سانجار تايجان مينيسترگە ەلەكتروموبيلىن تانىستىردى
ونەرتاپقىش مينيسترگە ءوزىنىڭ جاڭا جوباسى - قازاقستاندىق ەلەكتروموبيلدى تانىستىردى، دەپ حابارلايدى قازاقپارات. سانجار تايجان ءوز كومانداسىمەن بىرگە بەنزينمەن جۇرەتىن اۆتوموبيلدەردى قايتا جاڭعىرتىپ، باتارەيامەن قوزعالاتىن ەلەكتر كولىكتەرىن قۇراستىرادى. قازاقستاندىق ونەرتاپقىش ماشينانىڭ ءپروتوتيپىن مينيسترگە كورسەتىپ، ەرەكشەلىكتەرى تۋرالى ايتىپ بەردى.
«قازىر ەلەكتر كولىگى جاقسى اۋا رايىندا 100 شاقىرىمنان استام قاشىقتىققا جۇرە الادى. ال ءبىز ونى 500-600 شاقىرىمعا دەيىن ارتتىرا الامىز. باستى ماقساتىمىز - ەلەكتروموبيلدەردىڭ العاشقى قازاقستاندىق برەندىن جاساۋ. جاقىن ارادا ديزاينى مۇلدەم جاڭا 30 پروتوتيپ ازىرلەپ، مودەلگە 200 دەن استام پاتەنت الۋدى جوسپارلاپ وتىرمىز»، - دەيدى سانجار تايجان. ستارتاپ ەڭ الدىمەن تاكسيدى قوسا العاندا ەلىمىزدەگى قوعامدىق كولىكتى ەلەكتر تۇرىنە اۋىستىرۋدى كوزدەيدى. مينيستر بەيبىت اتامقۇلوۆ تابيعاتتى ساقتاۋعا جانە جاڭارتىلاتىن قۋات كوزدەرىن پايدالانۋعا ىقپال ەتەتىن جاڭا تەحنولوگيالاردى دامىتۋدى قولداۋدىڭ ماڭىزدىلىعىن اتاپ ءوتتى.
«ق ر ييدم مەن سانجار تايجاننىڭ كومپانياسى جوبانى ىسكە اسىرۋ ءۇشىن بىرلەسىپ ينۆەستورلار ىزدەستىرۋدى جوسپارلاپ وتىر. سونداي- اق، مينيسترلىك ستارتاپتى دامىتۋعا جانە ونىڭ ونىمدەرىن ىلگەرىلەتۋگە جاردەمدەسەدى»، - دەدى مينيسترلىكتەن.
