ەكى اۆياكومپانيا تۇركىستانعا ۇشۋدان باس تارتتى

تۇركىستان. قازاقپارات - تۇركىستان قالاسىنا ورىندالاتىن اۋە رەيستەرىنىڭ سانى ەكى ەسەگە ازايدى.

بۇل تۋرالى بۇگىن وبلىستىق جولاۋشىلار كولىگى جانە اۆتوموبيل جولدارى باسقارماسىنىڭ باسشىسى رولان يبراگيموۆ مالىمدەدى، دەپ حابارلايدى قازاقپارات ءتىلشىسى.

باسقارما باسشىسىنىڭ سوزىنشە، قاڭتار ايىندا وننان اسا رەيس ۇشپاي قالعان. كەيبىر جولاۋشىلار بيلەتتەرىن كەرى تاپسىرعان. وعان وڭىردەگى اۋا رايىنىڭ تۇماندى بولۋى سەبەپ بولعان كورىنەدى. تۇماندى كۇن رايىنىڭ كوپ بولۋىنان «قازاەروعارىش» مەكەمەسى ءبىرقاتار رەيستىڭ ۇشۋىنا رۇقسات ەتپەي قويعان. سونداي- اق، باستاپقى كەزدە جاڭا اۋەجايعا ءۇش اۋە كومپانياسى جولاۋشى تاسىمالداسا، قاڭتار ايىندا ولاردىڭ ەكەۋى قىزمەت كورسەتۋدەن باس تارتقان.

قازىرگى تاڭدا تۇركىستاننان تەك نۇر- سۇلتان جانە الماتى قالالارىنا اۋە رەيستەرى ورىندالۋدا. «Qazaq Air» مەن «Scat» ۇشاقتارى بورتىنىڭ تولۋى 50 پايىز، 42 پايىزدىڭ كولەمىندە. ال، «Fly Arystan» - دا 92 پايىز، 100 پايىز تولادى. سول سەبەپتەن ولار قازىر ۋاقىتشا ۇشپاي قويدى. قازىر تەك «Fly arystan» ۇشىپ جاتىر»، - دەيدى ر. يبراگيموۆ.