ءبىر اپتا ىشىندە ەلىمىزدە قانشا قىلمىس جاسالدى
بۇل تۋرالى ونلاين رەجيمدەگى بريفينگىدە ق ر ىشكى ىستەر مينيسترلىگىنىڭ رەسمي وكىلى نۇردىلدا وراز ءمالىم ەتتى، دەپ حابارلايدى قازاقپارات ءتىلشىسى.
«الدىمەن ەلدەگى كريمينوگەندىك جاعدايعا توقتالساق، ءبىر اپتا ىشىندە 3506 قىلمىس جاسالدى، ونىڭ 2322 ى تاۋلىك ىشىندە اشىلدى»، - دەدى ق ر ىشكى ىستەر مينيسترلىگىنىڭ رەسمي وكىلى نۇردىلدا وراز.
ونىڭ ايتۋىنشا، پوليتسيا قىزمەتكەرلەرى «ءىزىن سۋىتپاي» 10 كىسى ءولتىرۋدى، 1 ولىمگە اكەپ سوققان دەنساۋلىققا قاساقانا اۋىر زيان كەلتىرۋدى، 5 قاراقشىلىق، 32 توناۋ جانە 487 بوتەن مۇلىكتى ۇرلاۋ قىلمىسىن اشتى.
«ىشكى ىستەر ءمينيسترىنىڭ اتىنا ازاماتتاردان پوليتسەيلەرگە العىس ايتقان حاتتار ءجيى تۇسەدى. ماسەلەن، وتكەن اپتادا ەلوردالىق پوليتسيا دەپارتامەنتىنىڭ قىزمەتكەرلەرى ءاليحان مومىشەۆ پەن الماس شىعانبايەۆقا الاياقتىقتى جەدەل ءارى كاسىبي تۇردە اشىپ، زالالدى قالپىنا كەلتىرگەنى ءۇشىن ەلوردا تۇرعىنى ريزاشىلىعىن ءبىلدىردى»، - دەدى نۇردىلدا وراز.
اۆتور: رۋسلان عابباسوۆ
