ساراپشى تەلەفون قۋاتى نەگە تەز بىتەتىنىن ءتۇسىندىردى

نۇر-سۇلتان. قازاقپارات - ساراپشى تەلەفون قۋاتى نەگە تەز بىتەتىنىن جانە تەلەفوندى يەسىنەن بولەك كىم باسقارا الاتىنىن ءتۇسىندىردى.

ماسەلە سيفرلىق گيگيەنا تۋرالى بولماق. بۇل تۋرالى «پرايم اگەنتتىگىنە سيفرلىق ونىمدەردى زەرتتەۋشى-ساراپشى ەلۆينا ناسيبۋلينا ايتىپ بەردى، - دەپ حابارلايدى ر ي ا نوۆوستي.

ەلۆينا ناسيبۋلينانىڭ سوزىنشە، ۇيالى تەلەفوندا ۆيرۋستار مەن تىڭشى-قوسىمشالار بولۋى مۇمكىن.

«زيان باعدارلامالار الاياقتارعا ءسىز تۋرالى جەكە دەرەك پەن تولەم دەرەكتەرىن قولعا تۇسىرۋگە مۇمكىندىك بەرەدى. ۇيالى تەلەفون يەسىن اڭدىپ جۇرەتىن، سۋرەتكە ءتۇسىرىپ، داۋىس جازىپ، ۆيدەو ءتۇسىرىپ الاتىن تىڭشى-قوسىمشالار تۋرالى دا ۇمىتپاۋ كەرەك»، - دەدى ساراپشى.

سوندىقتان قانداي دا ءبىر باعدارلامانى جۇكتەر الدىندا ول تۋرالى اقپاراتتى تولىق وقىپ شىعۋ كەرەك.

ساراپشىنىڭ سوزىنشە، ول كوبىنە Android باعدارلامالىق جۇيەسىنىڭ يەلەرىنە قاۋىپتى بولۋى مۇمكىن.

«ەگەر ءسىزدىڭ رۇقساتىڭىزسىز تەلەفونداعى باپتاۋلار وزگەرىپ، قۋاتى تەز ءبىتىپ، تەلەفون قىزىپ اقىرىن جۇمىس ىستەي باستاسا، وندا بۇل ۇيالى تەلەفونىڭىزعا ۆيرۋس كىرىپ كەتتى دەگەن ءسوز. ءسىزدىڭ اككاۋنتىڭىزعا كىرۋگە تىرىسۋ تۋرالى حابارلامالار تۇسسە، ويلانا باستاۋ كەرەك»، - دەدى ناسيبۋلينا.