قازاقستاندا ناۋرىز مەيرامى ون كۇن تويلانۋى مۇمكىن
قۇجاتقا سايكەس، ناۋرىز مەيرامى 14-23 -ناۋرىز ارالىعىندا اتاپ وتىلەدى:
14- ناۋرىز - «كورىسۋ كۇنى»؛
15- ناۋرىز - «تابيعات كۇنى»؛
16- ناۋرىز - «بابالار ەسكە الۋ جانە باتا كۇنى»؛
17- ناۋرىز - «تاريح كۇنى»؛
18- ناۋرىز - «يگى ىستەر كۇنى»؛
19- ناۋرىز - «سپورت جانە شەبەرلىك كۇنى»؛
20- ناۋرىز - «دانالىق جانە ءبىلىم كۇنى»؛
21- ناۋرىز - «ۇلتتىق تاعامدار كۇنى»؛
22- ناۋرىز - «ۇلىستىڭ ۇلى كۇنى»؛
23- ناۋرىز - «قادىر تۇتۋ كۇنى».
«قازاقستان رەسپۋبليكاسىنىڭ پرەزيدەنتى قاسىم-جومارت توقايەۆ «تاۋەلسىزدىك بارىنەن قىمبات» ماقالاسىندا ناۋرىز مەيرامىن تويلاۋ تۇجىرىمداماسىن ازىرلەپ، كوكتەم مەرەكەسىنىڭ مازمۇنىن بايىتۋدى تاپسىردى. (...) ناۋرىز مەيرامىنىڭ نەگىزگى ماقساتى - قازاقستان جەرىندە بەيبىتشىلىك پەن دوستىقتى نىعايتۋ، ۇلتتىق بىرەگەيلىكتى ساقتاۋ، وتباسىلىق قۇندىلىقتاردى دارىپتەۋ، قورشاعان ورتاعا ۇقىپتى قاراۋدى قالىپتاستىرۋ»، - دەلىنگەن قۇجاتتا.
كونتسەپتسياعا سايكەس مەرەكە مىندەتتەرى مىناداي:
1) جالپى قازاقستاندىق رۋحاني قۇندىلىقتاردى، حالىقتىڭ بىرلىگى مەن كەلىسىمىن نىعايتۋعا باعىتتالعان قازاق حالقىنىڭ سالت-داستۇرلەرىن جاڭعىرتۋ؛
2) اتا-اناعا قامقورلىق جاساۋ، جاقىن ادامدارمەن جانە تۋىستارمەن قارىم-قاتىناس ورناتۋ ءداستۇرىن دارىپتەۋ ارقىلى وتباسى ينستيتۋتىن نىعايتۋ؛
3) ازاماتتىق بەيبىتشىلىكتى ساقتاۋ، الەۋمەتتىك ارىپتەستىكتى جانە قايىرىمدىلىق مادەنيەتىن دامىتۋ؛
4) ەتنوسارالىق قاتىناستار مادەنيەتىن دامىتۋ، قوعامداعى دوستىق پەن سەنىمدى نىعايتۋ؛
5) قازاقستان تابيعاتىنىڭ بىرەگەيلىگىن جانە تابيعاتقا ۇقىپتى قاراۋ قاجەتىن سەزىنۋ، ەكولوگيالىق مادەنيەتتى جانە ەلدى مەكەندەردىڭ اۋماقتارىن اباتتاندىرۋ جونىندەگى قوعامدىق باستامالاردى دامىتۋ.
«ناۋرىز مەيرامىن مەرەكەلەۋ «رۋحاني جاڭعىرۋ» باعدارلاماسىنىڭ يدەيالىق قۇندىلىقتارىن جۇزەگە اسىرۋ اياسىندا ۇلكەن ماڭىزعا يە. ناۋرىز - ۇلتتىق بىرەگەيلىك پەن ۇيلەسىمدىك، بەرەكە مەن بىرلىك مەرەكەسى. بۇل ۇلتتىق بىرەگەيلىكتى ساقتاۋ، پراگماتيزمدى قالىپتاستىرۋ، سانانىڭ اشىقتىعىن ارتتىرۋ تۇرعىسىنان ماڭىزدى مەرەكە»، - دەلىنگەن تۇجىرىمدامادا.
massaget.kz
