كوروناۆيرۋس: اقمولا وبلىسى «قىزىل» ايماقتان شىقتى

نۇر-سۇلتان. قازاقپارات - دەنساۋلىق ساقتاۋ مينيسترلىگى 13- اقپانداعى ەپيدەميولوگيالىق احۋالدى باعالاۋ ماتريتساسىن جاريالادى، دەپ حابارلايدى قازاقپارات.

14- اقپانداعى ەپيدەميولوگيالىق احۋالدى باعالاۋ ماتريتساسىنا سايكەس، قازاقستاننىڭ ءبىر وبلىسى عانا «قىزىل» ايماقتا قالعان. ول - پاۆلودار وبلىسى.

13- اقپانعا دەيىن «قىزىل» ايماقتا بولعان اقمولا وبلىسى «سارى» ايماققا ءوتتى. «سارى» ايماقتا اقمولا وبلىسىمەن قاتار نۇر-سۇلتان قالاسى، قوستاناي، سولتۇستىك قازاقستان، باتىس قازاقستان وبلىستارى بار. قالعان وڭىرلەردىڭ ءبارى «جاسىل» ايماقتا.

جالپى قازاقستان كوروناۆيرۋستىڭ تارالۋ قاۋپى جاعىنان «جاسىل» ايماقتا تۇر.

ەسكە سالساق، بۇعان دەيىن ق ر باس مەملەكەتتىك سانيتارلىق دارىگەرى ەرلان قياسوۆتىڭ كارانتين شارالارىن جەڭىلدەتۋ تۋرالى جاڭا قاۋلىسى جاريالانعان بولاتىن.

قاۋلى ەرەجەلەرىنە سايكەس، «جاسىل» ايماقتاعى وڭىرلەردە مەشىتتەرگە جۇرتتىڭ جينالۋىنا، سونىمەن قاتار مەكتەپ اسحانالارىنىڭ جۇمىسىنا رۇقسات بەرىلدى.